കോഴഞ്ചേരി: ദേശീയ സേവാഭാരതിയുടെ തലചായ്ക്കാനൊരിടം പദ്ധതി പ്രകാരം കാട്ടൂര് കാരംപറമ്പില് സുരേഷ്കുമാറിന് നിര്മ്മിച്ചു നല്കിയ വീടിന്റെ താക്കോല് ദാനം രാഷ്രീയ സ്വയംസേവക സംഘം ക്ഷേത്രീയ സേവാപ്രമുഖ് കെ. പത്മകുമാര് നിര്വ്വഹിച്ചു. സേവാഭാരതി പത്തനംതിട്ട ജില്ലാ പ്രസിഡന്റ് അഡ്വ. അശോക് കുമാര് അധ്യക്ഷനായി. പഞ്ചായത്തു മെമ്പര്മാരായ ഉഷാകുമാരി, പ്രദീപ് കുമാര്, ഹരിചന്ദ്രന് എന്നിവര് ആശംസകള് അര്പ്പിച്ചു. ചെറുകോല് പഞ്ചായത്തില് നടത്തുന്ന സേവന പ്രവര്ത്തനങ്ങള്ക്ക് സന്തോഷ് കുമാര് ചക്കിട്ടയില്, വീടിന്റെ നിര്മ്മാണം സമയ പരിധിക്കുള്ളില് പൂര്ത്തീകരിച്ച കോണ്ട്രാക്ടര് സുരേഷ്കുമാര് തേനാംതറ എന്നിവരെ ആദരിച്ചു.
ചടങ്ങില് പ്രാന്തീയ സഹസേവാ പ്രമുഖ് വത്സന്, പ്രാന്ത കാര്യകാരി സദസ് അംഗം കെ. കൃഷ്ണന്കുട്ടി, ശബരിഗിരി വിഭാഗ് സംഘചാലക് മോഹനചന്ദ്രന്, ശബരിഗിരി ജില്ലാ സഹ സംഘചാലക് വിജയ മോഹന്, കോഴഞ്ചേരി ഖണ്ഡ് സംഘചാലക് നന്ദകുമാര്, മുന് സേവാഭാരതി പത്തനംതിട്ട ജില്ലാ പ്രസിഡന്റ്ബാലചന്ദ്രന്, ജില്ല, ഖണ്ഡ്, മണ്ഡല് കാര്യകര്ത്താക്കള് എന്നിവര് സന്നിഹിതരായിരുന്നു. സേവാഭാരതി കാട്ടൂര് യൂണിറ്റ് ജനറല് സെക്രട്ടറി അജികുമാര് സ്വാഗതവും രഞ്ജിത്ത് പാറേക്കാലയില് നന്ദിയും പറഞ്ഞു. ശബരിഗിരി ജില്ലാ കാര്യവാഹ് രജീഷിന്റെ നേതൃത്വത്തില് വീടിനോടു ചേര്ന്ന് തുളസിത്തറയും അടുക്കളത്തോട്ടവും നിര്മ്മിച്ചു നല്കി.
