കൊല്ലം: സിപിഎമ്മിന്റെയും മുഖ്യമന്ത്രി പിണറായി വിജയന്റെയും ഹിന്ദുവിരുദ്ധത ശബരിമലയ്ക്ക് ശേഷം വീണ്ടും മറനീക്കി പുറത്ത്. ഓച്ചിറ പരബ്രഹ്മ ക്ഷേത്രത്തിലെ കാളകെട്ട് ഉത്സവത്തില് പങ്കെടുത്ത 100 പേര്ക്കെതിരെ കേസെടുത്തുകൊണ്ടാണ് പോലീസ് ഹൈന്ദവ വേട്ട തുടങ്ങിയത്. 28 ാം ഓണാഘോഷത്തോട് അനുബന്ധിച്ചു നടത്തിയ കാള കെട്ടുത്സവത്തിന് കൂറ്റന് കെട്ടുകാളയെ അധിക സമയം എഴുന്നള്ളിച്ചതിന് ഞക്കനാല് പടിഞ്ഞാറ് കരയിലെ കാളകെട്ടു സമിതിയിലെ ഭാരവാഹികള് ഉള്പ്പെടെ 100 പേര്ക്കെതിരെയാണ് പോലീസ് കേസെടുത്തിരിക്കുന്നത്. ഹൈക്കോടതി വിധി ലംഘിച്ച് റോഡില് മണിക്കൂറോളം ഗതാഗത തടസ്സം സൃഷ്ടിച്ചതിനാണ് കേസ്. എന്നാല്, ഇതേ ഹൈക്കോടതി വിധി ലംഘിച്ച പിറവം പള്ളി സമരക്കാര്ക്കെതിരെ പിണറായി പോലീസ് ഇതുവരെ ഒരു കേസും രജിസ്റ്റര് ചെയ്തിട്ടില്ല.
65 അടി ഉയരമുള്ള കെട്ടുകാളയെ രണ്ടാം ദിവസമാണ് കരക്കാര് ക്രെയിനിന്റെ സഹായത്തോടെ ക്ഷേത്രത്തില് എഴുന്നള്ളിച്ചത്. ജില്ലാ ഭരണകൂടത്തിന്റെ നിര്ദേശപ്രകാരം വ്യവസ്ഥകളോടെയാണ് എല്ലാ കാളകെട്ടു സമിതികള്ക്കും കെട്ടുകാളയെ എഴുന്നള്ളിക്കാന് പൊലീസ് അനുമതി നല്കിയത്. കെട്ടുകാളയെ കൂടുതല് എഴുന്നള്ളിച്ചതു പോലീസ് വിലക്കിയതിനെത്തുടര്ന്ന് സ്ത്രീകള് ഉള്പ്പെടെയുള്ള വിശ്വാസികള് ദേശീയ പാത ഉപരോധിച്ചിരുന്നു. കൂറ്റന് കെട്ടുകാളയുടെ എഴുന്നള്ളത്ത് പൂര്ണമായി ചിത്രീകരിച്ചിട്ടുണ്ടെന്നും കാള കെട്ടുത്സവവുമായി ബന്ധപ്പെട്ട് 26 കേസുകള് പോലീസ് റജിസ്റ്റര് ചെയ്തിട്ടുണ്ടെന്നും ഓച്ചിറ പോലീസ് വ്യക്തമാക്കി.
