ന്യൂഡല്ഹി: ജമ്മു കശ്മീരിലെ രാംബാന് ജില്ലയില് പാക്കിസ്ഥാനില് നിന്നു നുഴഞ്ഞു കയറിയ മൂന്നു ഭീകരരും ഇന്ത്യന് സൈന്യവും തമ്മില് അഞ്ചു മണിക്കൂര് നീണ്ട പോരാട്ടം. രാംബാന് ജില്ലയില് എത്തിയ ഭീകകര് പ്രദേശവാസിയെ അയാളുടെ വീട്ടില് ബന്ദിയാക്കുകയായിരുന്നു. തുടര്ച്ചയായി നടന്ന വെടിവയ്പ്പില് മൂന്നു ഭീകരരും കൊല്ലപ്പെട്ടു. തീവ്രവാദികളുടെ ആക്രമണത്തില് ഒരു ജവാന് വീരമൃത്യു. ബന്ദിയാക്കിയ പ്രദേശവാസിയെ സൈന്യം സുരക്ഷിതമായി മോചിപ്പിച്ചു. ഇന്നു ഉച്ചയ്ക്ക് രാംബാന് ജില്ലയിലെ ബോട്ടോട്ടില് മൂന്ന് തീവ്രവാദികള് ഒരു പാസഞ്ചര് ബസ് നിര്ത്താന് ശ്രമിച്ചതാണു സംഭവങ്ങളുടെ തുടക്കം. സംഭവമറഞ്ഞു സൈന്യം എത്തിയതറിഞ്ഞു തുടര്ച്ചായി ഗ്രനേഡ് എറിഞ്ഞ ഭീകകര് സമീപത്തെ വീട്ടില് കയറിക്കൂടുകയായിരുന്നു. വീട്ടിലുള്ളവര് ഓടി രക്ഷപ്പെട്ടെങ്കിലും ഒരാള് വീടിനുള്ളില് അകപ്പെട്ടു പോയി. ഇയാളെ ബന്ദിയാക്കി ആണ് ഭീകരര് സൈന്യത്തിനു നേരേ തുടര്ച്ചയായി വെടിവച്ചത്.
#WATCH Jammu & Kashmir: Indian troops celebrate after eliminating three terrorists in Batote town of Ramban district of Jammu Zone. The civilian hostage has also been rescued safely. pic.twitter.com/L3tec790lg
— ANI (@ANI) September 28, 2019
വെടിവച്ച് കൊല്ലപ്പെട്ട തീവ്രവാദികള് നിയന്ത്രണ പരിധിക്ക് സമീപമുള്ളതിനാല് ഗുരസ് ഭാഗത്ത് നിന്ന് ഇന്ത്യയിലേക്ക് നുഴഞ്ഞുകയറിയ ഒരു വലിയ സംഘത്തിന്റെ ഭാഗമാകാമെന്ന് സൈന്യം സംശയിക്കുന്നു. ഇതേത്തുടര്ന്ന് സൈന്യം തെരച്ചില് ശക്തമാക്കി.
