കുവൈത്ത്‌ സിറ്റി : കാലിക്കറ്റ് ചേംബർ ആന്റ് കൊമേർസ് ഇൻഡസ്ട്രിയുടെ പേരിൽ ഏർപ്പെടുത്തിയ ബിസിനസ്‌ എക്സലൻസി പുരസ്കാരം കുവൈത്തിലെ പ്രമുഖ വ്യവസായി സുരേഷ് സി പിള്ളയ്ക്ക്. കോഴിക്കോട്‌ മലബാർ പാലസ്‌ ഹോട്ടലിൽ വെച്ച്‌ നടന്ന പ്രൗഢ ഗംഭീരമായ ചടങ്ങിൽ കേരള ഗവർണ്ണർ ആരിഫ്‌ മുഹമ്മദ്‌ ഖാനിൽ നിന്നും സുരേഷ് സി.പിള്ള പുരസ്കാരം ഏറ്റു വാങ്ങി.
വാണിജ്യ വ്യവസായ ആരോഗ്യ രംഗത്ത്‌ വ്യക്തി മുദ്ര പതിപ്പിച്ച ഏഴു പേർക്കാണു പുരസ്കാരം പ്രഖ്യാപിച്ചത്‌. കുവൈത്തിലെ എണ്ണ മേഖലയിൽ പ്രവർത്തിക്കുന്ന പ്രമുഖ സ്ഥാപനമായ മാർക്ക്‌ ടെക്നോളജി കമ്പനിയുടെ ചെയർമാനും മാനേജിംഗ്‌ ഡയറക്ടറുമാണ് കായംകുളം വള്ളിക്കുന്നം സ്വദേശിയായ സുരേഷ് പിള്ള. ജീവകാരുണ്യ രംഗത്തു നടത്തിയ മികച്ച പ്രവർത്തനങ്ങൾ മുൻനിർത്തി നേരത്തെയും നിരവധി പുരസ്കാരങ്ങൾ ഇദ്ദേഹത്തെ തേടി എത്തിയിരുന്നു.
മെക്കാനിക്കൽ എഞ്ചിനീയറായി 17 വർഷം മുമ്പാണ് സുരേഷ് പിള്ള കുവൈത്തിൽ എത്തിയത്‌. ഭാര്യ സുജയ ദേവി. ഗൗതം, ഗൗരി എന്നിവർ മക്കളാണ്.
പ്രതികരിക്കാൻ ഇവിടെ എഴുതുക: