തിരുവനന്തപുരം: കേരളത്തിലെ ബിജെപി അംഗസംഖ്യ ഇരുപത്തഞ്ചു ലക്ഷം കവിഞ്ഞെന്ന് സംസ്ഥാന അധ്യക്ഷന് പി.എസ്. ശ്രീധരന് പിള്ള. ഓഗസ്റ്റ് 30ന് സമാപിച്ച അംഗത്വപ്രചരണയജ്ഞത്തിന്റെ ആദ്യഘട്ടത്തില് പത്തുലക്ഷത്തിലേറെ പേര് അംഗങ്ങങ്ങളായി. ഇവരില് ഒരു ലക്ഷത്തോളം പേര് പാര്ട്ടി പ്രവര്ത്തകര് സമീപിക്കാതെയോ അവരുടെ സമ്പര്ക്കത്തിലല്ലാതെയോ അംഗത്വം സ്വീകരിച്ച വരാണ്. മൊത്തം ആറേകാല് ലക്ഷം പേരാണ് ‘മിസ്സ്ഡ് കാള്’ വഴി അംഗത്വം സ്വീകരിച്ചത്. ഇവരെ കൂടാതെ നാലിലേറെ ലക്ഷം പേര് അംഗത്വ ഫോറങ്ങള് പൂരിപ്പിച്ച് നല്കി അംഗങ്ങളായി. നിലവില് പാര്ട്ടിയില് അംഗങ്ങളായുള്ളവര് സംസ്ഥാനത്ത് പതിനഞ്ചു ലക്ഷത്തോളം പേരാണ്. പുതുതായി വന്ന പത്തു ലക്ഷം പേര് കൂടിയാകുമ്പോള് കേരളത്തിലെ ബിജെപി അംഗസംഖ്യ ഇരുപത്തഞ്ചു ലക്ഷം കവിഞ്ഞു .
മതന്യൂനപക്ഷ, പിന്നോക്ക, ദളിത് വിഭാഗങ്ങളില്പ്പെട്ടവരില് നിന്ന് ആവേശകരമായ പ്രതികരണമാണ് ഇക്കുറി ബിജെപി അംഗത്വപ്രചരണത്തിന് ലഭിച്ചത്. മുസ്ലിം ലീഗിന്റെ സ്ഥാപകനേതാവ് ബാഫഖി തങ്ങളുടെ ചെറുമകന്, കോഴിക്കോട് സര്വകലാശാലയുടെ മുന് വൈസ് ചാന്സലര്, മുന്രജിസ്ട്രാര് എന്നിങ്ങനെ നിരവധി പ്രമുഖ വ്യക്തികള് ബി.ജെ.പി യില് ചേര്ന്നിട്ടുണ്ട്. സാംസ്കാരിക നായകര്, സാഹിത്യകാരന്മാര്, ചലച്ചിത്ര പ്രതിഭകള്, കലാരംഗത്ത് വ്യക്തിമുദ്ര പതിപ്പിച്ചവര് തുടങ്ങി സമൂഹത്തിന്റെ നാനാതുറകളിലുംപെട്ടവര് ഈ കാലയളവില് ബിജെപിയില് ചേര്ന്നു. ദേശീയ രാഷ്ട്രീയമുഖ്യധാരയില് നിന്ന് വേറിട്ട് നിന്നിരുന്ന മലയാളികള് മാറിചിന്തിച്ചു തുടങ്ങിയെന്നാണ് ബി.ജെ.പിയിലേക്കുള്ള ബഹുജനങ്ങളുടെ ഈ ഒഴുക്ക് സൂചിപ്പിക്കുന്നത്. ബിജെപിയില് ചേര്ന്നവരില് മിക്കവരും നേരത്തെ കോണ്ഗ്രസ്സുമായും സിപിഎമ്മുമായും ബന്ധപ്പെട്ട് സജീവപ്രവര്ത്തനത്തില് ഏര്പ്പെട്ടിരുന്നവരാണെന്നതും ശ്രദ്ധേയമാണ്. കേരള രാഷ്ട്രീയത്തിലെ ആസന്നമാറ്റത്തിന്റെ കേളികൊട്ടാണ് ഇവിടെ മുഴങ്ങുന്നതെന്ന് അദേഹം വ്യക്തമാക്കി.
യുഡിഫ്എല്ഡിഫ് അജന്ഡകള് ബിജെപിക്ക് തകര്ക്കാന് കഴിയും. മെമ്പര്ഷിപ്പ് നല്കുന്ന സൂചന അതാണ്. ന്യൂനപക്ഷങ്ങള് ഉള്പ്പെടെയുള്ളവരുടെ മനസ്സില് പരിവാറിനെയും മോദിയേയും കുറിച്ച് ഭയം സൃഷ്ടിച്ചു മുതലെടുക്കുന്ന ശൈലിയാണ് ഇരു മുന്നണികള് അവലംബിച്ചു വരുന്നത്. ഇപ്പോള് ന്യൂനപക്ഷദളിത് വിഭാഗങ്ങള് കൂട്ടമായി ബിജെപിയിലേക്ക് എത്തിയതോടെ ഇവരുടെ അജണ്ട തകരുമെന്നുറപ്പാണ്. കമ്മ്യൂണിസ്റ്റ് പാര്ട്ടികളില് നിന്ന് ബിജെപിയിലേക്കെത്തിയ ബ്രാഞ്ച് തലംമുതല് നേതാക്കളായിരുന്നവരുടെ ലിസ്റ്റ് ബിജെപി പ്രസിദ്ധീകരിക്കും. പ്രമുഖ ന്യൂനപക്ഷങ്ങളുടെ ലിസ്റ്റും പ്രസിദ്ധീകരിക്കുന്നതാണെന്ന് സംസ്ഥാന അധ്യക്ഷന് പി.എസ്. ശ്രീധരന് പിള്ള വ്യക്തമാക്കി.
