ഫിലഡല്‍ഫിയാ: മലയാളി യുവത്വങ്ങളുടെ സൗഹൃദ കൂട്ടായ്മയായ ബഡി ബോയിസിന്റെ നിറപ്പകിട്ടാര്‍ന്ന ഓണാഘോഷം നടന്നു. ഫിലഡല്‍ഫിയ ക്രിസ്തോസ് മാര്‍ത്തോമ്മാ ചര്‍ച്ച് ഓഡിറ്റോറിയത്തിലാണ് പരിപാടികള്‍ അരങ്ങേറിയത്. കുമ്മനം രാജശേഖരന്‍ മുഖ്യാതിഥി ആയിരുന്നു.
ജീവകാരുണ്യ പ്രവര്‍ത്തനങ്ങളിലൂടെ മികച്ച അഭിപ്രായം നേടി മുന്നേറുന്ന ബഡി ബോയ്സിന്റെ പ്രവര്‍ത്തനങ്ങള്‍ക്കുള്ള ഫിലഡല്‍ഫിയാ സിറ്റിയുടെ പ്രശംസാപത്രം സിറ്റി കൗണ്‍സില്‍മാന്‍ അല്‍ ടോബന്‍ബെര്‍ജറില്‍ നിന്നും സീനിയര്‍ മെമ്പര്‍ സേവ്യര്‍ മൂഴിക്കാട്ട് ഏറ്റുവാങ്ങി. ബിജു ചാക്കോ കൗണ്‍സില്‍മാനെ സദസ്സിന് പരിചയപ്പെടുത്തി. പി.ശ്രീകുമാര്‍, റവ. ഫാദര്‍. എം.കെ. കുര്യാക്കോസ്, വിന്‍സന്റ് ഇമ്മാനുവല്‍ എന്നിവര്‍ ഓണാശംസകള്‍ നേര്‍ന്നു.
ശാലു പുന്നൂസും, തോമസ് ചാണ്ടി, ബിനു ജോസഫ് എന്നിവര്‍ സംസാരിച്ചു. കെ. ഐ. അലക്സാണ്ടറുടെ നേതൃത്വത്തില്‍ റേച്ചല്‍ ഉമ്മന്‍, സ്റ്റെഫിന്‍ മനോജ്, ട്രീന, റ്റാനിയാ ജോസി, എന്നിവരുടെയും, ഹെല്‍ഡാ സുനില്‍, സാബു പാമ്പാടി, അനു കോശി എന്നിവരുടെയും ഗാനങ്ങള്‍ ആഘോഷ പരിപാടികള്‍ക്ക് മിഴിവേകി. കെസിയാ സജു അവതരിപ്പിച്ച ഡാന്‍സ് നയനമനോഹരമായിരുന്നു. അഷിതാ ശ്രീജിത്ത് തയാറാക്കിയ അത്തപ്പൂക്കളം ഏവരുടെയും ശ്രദ്ധ പിടിച്ചുപറ്റി.
ജെയിംസ് പീറ്റര്‍ ആയിരുന്നു മാവേലി വേഷത്തില്‍ എത്തിയത്.
പ്രതികരിക്കാൻ ഇവിടെ എഴുതുക: