കുവൈറ്റ് സിറ്റി : സാരഥി കുവൈറ്റിന്റെ ഇരുപതാമത് വാര്‍ഷികാഘോഷമായ ‘സാരഥീയം-2019’ ന്റെ റാഫിള്‍ കൂപ്പണ്‍ പ്രകാശനം ചെയ്തു. സാരഥി അബ്ബാസിയ ഹാളില്‍ വെച്ച് നടന്ന ചടങ്ങില്‍ സാരഥി ഉപദേശകസമിതി അംഗം സി.എസ് ബാബു പ്രകാശനം ചെയ്തു.
ആദ്യപ്രതി സാരഥി രക്ഷാധികാരി സുരേഷ് കൊച്ചത്ത് ഏറ്റുവാങ്ങി. സാരഥി പ്രസിഡന്റ് കെ.വി സുഗുണന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ ജനറല്‍ സെക്രട്ടറി കെ.ആര്‍ അജി, ട്രഷറര്‍ ബിജു സി.വി, സാരഥീയം ജനറല്‍ കണ്‍വീനര്‍ വിനീഷ് വിശ്വം, സാരഥി ട്രസ്റ്റ് വൈസ് ചെയര്‍മാന്‍ സജീവ് നാരായണന്‍, വനിതാവേദി സെക്രട്ടറി പ്രീത സതീഷ്, വൈസ് പ്രസിഡന്റ് വിനോദ് കുമാര്‍, ജോ.ട്രഷറര്‍ സുനില്‍ അടുത്തല, ഗുരുദര്‍ശനവേദി കോഡിനേറ്റര്‍ അജയകുമാര്‍, റാഫിള്‍ കണ്‍വീനര്‍മാരായ ഉദയഭാനു, എം.എം പ്രവീണ്‍, കെ.സി സേതു എന്നിവര്‍ ചടങ്ങില്‍ സംബന്ധിച്ചു.
സാരഥീയം-2019 നവംബര്‍ 22ന് കുവൈറ്റ് യൂണിവേഴ്സിറ്റി, സബാ അല്‍സലാം തീയറ്ററില്‍ വെച്ച് അരങ്ങേറും. സാംസ്‌ക്കാരിക സമ്മേളനം, വിദ്യാഭ്യാസ അവാര്‍ഡ് വിതരണം,’ഗുരുദേവജ്ഞാനാമൃതം’ എന്ന സംഗീത നൃത്തശില്പം,മെഗാ ഷോ എന്നിവ പരിപാടിയുടെ ഭാഗമായി നടക്കുമെന്ന് ഭാരവാഹികള്‍ അറിയിച്ചു.
പ്രതികരിക്കാൻ ഇവിടെ എഴുതുക: