തൃശൂര്:മലയാളത്തിലെ പ്രമുഖ കവിയും വിവര്ത്തകനുമായ ആറ്റൂര് രവിവര്മ്മ (89) അന്തരിച്ചു. തൃശൂര് ദയ ആശുപത്രിയില് ചികിത്സയിലായിരുന്ന അദ്ദേഹത്തിനു ന്യൂമോണിയ ബാധിച്ചതോടെ നില വഷളാവുകയായിരുന്നു. കേരള സാഹിത്യ അക്കാദമി പുരസ്കാരം, കേന്ദ്ര സാഹിത്യ അക്കാദമി പുരസ്കാരം, എഴുത്തച്ഛന് പുരസ്കാരം തുടങ്ങി നിരവധി പുരസ്കാരങ്ങള് ലഭിച്ചിട്ടുണ്ട്. കേരളത്തിലെ തൃശൂര് ജില്ലയിലെ ആറ്റൂര് എന്ന ഗ്രാമത്തില് 1930 ഡിസംബര് 27 ന് കൃഷ്ണന് നമ്പൂതിരിയുടെയും അമ്മിണിയമ്മയുടെയും മകനായാണ് അദ്ദേഹം ജനിച്ചത്. മലയാളത്തില് ബിരുദാനന്തര ബിരുദം. വിവിധ ഗവണ്മെന്റ് കോളേജുകളില് മലയാളം പ്രൊഫസറായി സേവനമനുഷ്ഠിച്ചതിനുശേഷം തൃശ്ശൂരില് വിശ്രമജീവിതത്തില് ആയിരുന്നു. സാഹിത്യ അക്കാദമി ജനറല് കൗണ്സിലില് 2002 മുതല് 2007 വരെ അംഗമായിരുന്നു. 1976 മുതല് 1981 വരെ കോഴിക്കോട് സര്വ്വകലാശാലാ സിണ്ടിക്കേറ്റ് മെമ്പര് ആയിരുന്നു.1996ല് ആറ്റൂര് രവിവര്മ്മയുടെ കവിതകള് എന്ന കൃതിാണ്് കേരള സാഹിത്യ അക്കാദമി പുരസ്കാരം ലഭിച്ചത്. ഭാര്യ- ശ്രീദേവി.
ആറ്റൂര് രവി വര്മ അന്തരിച്ചു, വിടവാങ്ങിയത് പ്രമുഖ കവിയും വിവര്ത്തകനും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.