കോഴിക്കോട് : തൊണ്ടയാട് സ്വകാര്യ ബസ് അപകടത്തില്പെട്ട് നിരവധി പേര്ക്ക് പരിക്ക്. മെഡിക്കല് കോളേജ് ഭാഗത്തുനിന്ന് ടൗണിലേക്ക് വരികയായിരുന്ന ദീര്ഘദൂര ബസ് തൊണ്ടയാട് ജങ്ഷനില് വച്ചാണ് അപകടത്തില്പ്പെട്ടത്. കൂടരഞ്ഞി – കോഴിക്കോട് റൂട്ടിലോടുന്ന ബസ് മറിയുകയായിരുന്നു.
അപകടത്തില് പരിക്കേറ്റ പതിനാല് പേരെ കോഴിക്കോട് മെഡിക്കല് കോളേജില് പ്രവേശിപ്പിച്ചു. ആരുടെയും നില ഗുരുതരമല്ലെന്ന് അധികൃതര് അറിയിച്ചിട്ടുണ്ട്.
മൂന്ന് ബസുകള് ഒന്നിന് പുറകെ ഒന്നായി അമിത വേഗത്തില് വരികയായിരുന്നുവെന്നും ഇതില് രണ്ടാമത്തെ ബസാണ് അപകടത്തില് പെട്ടതെന്നും നാട്ടുകാര് പറയുന്നു. അമിതവേഗതയാണ് അപകടകാരണമന്നാണ് നാട്ടുകാരുടെ ആരോപണം. കഴിഞ്ഞവര്ഷവും ഇതേസ്ഥലത്ത് ബസ് അപകടം നടന്നിരുന്നു.
