പത്രങ്ങളില് നിന്ന്
”ഉത്തരക്കടലാസ് കണ്ടെത്തിയതും പരീക്ഷാ ക്രമക്കേടിനെക്കുറിച്ചും അന്വേഷിക്കാന് മൂന്നംഗ ഉപസമിതിയെ സിന്ഡിക്കേറ്റ് നിയോഗിച്ചു.”
”ഉത്തരക്കടലാസ് കണ്ടെത്തിയതിനെയും പരീക്ഷാക്രമക്കേടിനെയും കുറിച്ച് അന്വേഷിക്കാന് മൂന്നംഗ ഉപസമിതിയെ സിന്ഡിക്കേറ്റ് നിയോഗിച്ചു.” (ശരി)
”കൂടുതല് മലിനീകരണം ഉണ്ടാക്കുന്ന ഇരുചക്ര-മുച്ചക്ര വാഹനങ്ങള് ഇലക്ട്രിക്ക് ആക്കുകയും 2023 ഓടെ മലിനീകരണം 35 ശതമാനം കുറച്ചുകൊണ്ടുവരണമെന്നും അദ്ദേഹം പറഞ്ഞു.”
”കൂടുതല് മലിനീകരണം ഉണ്ടാക്കുന്ന ഇരുചക്ര-മുച്ചക്ര വാഹനങ്ങള് ഇലക്ട്രിക്ക് ആക്കണമെന്നും 2023 ഓടെ മലിനീകരണം 35 ശതമാനം കുറച്ചുകൊണ്ടുവരണമെന്നും അദ്ദേഹം പറഞ്ഞു.” (ശരി)
”കൂടുതല് മലിനീകരണം ഉണ്ടാക്കുന്ന ഇരുചക്ര-മുച്ചക്ര വാഹനങ്ങള് ഇലക്ട്രിക്ക് ആക്കുകയും 2023 ഓടെ മലിനീകരണം 35 ശതമാനം കുറയ്ക്കുകയും ചെയ്യണമെന്ന് അദ്ദേഹം പറഞ്ഞു.” (ശരി)
”ആരോഗ്യകരമായ ശീലങ്ങള് നിത്യജീവിതത്തില് പകര്ത്തിയാല് പൊണ്ണത്തടി കുറയുക മാത്രമല്ല നല്ല ആരോഗ്യമുള്ള ജീവിതവും നയിക്കാം.”
”ആരോഗ്യകരമായ ശീലങ്ങള് നിത്യജീവിതത്തില് പകര്ത്തിയാല് പൊണ്ണത്തടി കുറയുകമാത്രമല്ല നല്ല ആരോഗ്യമുള്ള ജീവിതം നയിക്കുകയും ചെയ്യാം.” (ശരി)
”ആരോഗ്യകരമായ ശീലങ്ങള് നിത്യജീവിതത്തില് പകര്ത്തിയാല് പൊണ്ണത്തടി കുറയുകയും നല്ല ആരോഗ്യമുള്ള ജീവിതം നയിക്കുകയും ചെയ്യാം.” (ശരി)
ധനാഭ്യര്ത്ഥന ചര്ച്ചകള്ക്ക് മറുപടി പറഞ്ഞ മന്ത്രിമാര് നടപ്പാക്കിയ നവീന പദ്ധതികള് വിശദമാക്കുകയും വരും വര്ഷങ്ങളില് ഏറ്റെടുക്കാന് പോകുന്ന പ്രവര്ത്തനങ്ങള് വിശദമാക്കുകയും ചെയ്തു.
”ധനാഭ്യര്ത്ഥന ചര്ച്ചകള്ക്കുള്ള മറുപടിയില്, നടപ്പാക്കിയ പദ്ധതികളും വരും വര്ഷങ്ങളില് ഏറ്റെടുക്കുന്ന പ്രവര്ത്തനങ്ങളും മന്ത്രിമാര് വിശദമാക്കി.”
”ക്രിയാത്മക വിമര്ശനങ്ങളോ നിര്ദ്ദേശങ്ങളോ ഉന്നയിക്കുന്നതിന് പകരം മുഖ്യമന്ത്രിയടക്കമുള്ള മന്ത്രിമാരെ വ്യക്തിപരമായും രാഷ്ട്രീയപരമായും ആക്രമിക്കുന്ന തരത്തിലുള്ള രാഷ്ട്രീയ പ്രസംഗങ്ങളായിരുന്നു യുഡിഎഫിന്റേത്.”
”ക്രിയാത്മക വിമര്ശനങ്ങളോ, നിര്ദ്ദേശങ്ങളോ ഉന്നയിക്കുന്നതിന് പകരം മുഖ്യമന്ത്രിയടക്കമുള്ള മന്ത്രിമാരെ വ്യക്തിപരമായും രാഷ്ട്രീയമായും അക്രമിക്കുന്ന പ്രസംഗങ്ങളായിരുന്നു യുഡിഎഫിന്റേത്.”
”നമ്മുടെ അടുക്കളയില് ഉണ്ടാക്കുന്ന ഭക്ഷണമാണ് ഏറ്റവുംശുചിത്വവും ആരോഗ്യകരവുമായ ഭക്ഷണം.”
”നമ്മുടെ അടുക്കളയില് ഉണ്ടാക്കുന്നതാണ് ഏറ്റവും ശുചിത്വമുള്ളതും ആരോഗ്യകരവുമായ ഭക്ഷണം.”(ശരി).
”എന്തുകഴിച്ചാലും സമീകൃതാഹാരം തന്നെയായിരിക്കണം.”
”കഴിക്കുന്നത് സമീകൃതാഹാരം തന്നെയായിരിക്കണം.” (ശരി)
”കഴിക്കുന്നതെന്തായാലും അത് സമീകൃതാഹാരം തന്നെയായിരിക്കണം.” (ശരി).
”ചിട്ടയായ പ്രവര്ത്തനത്തിലൂടെ ഏലൂരിനെ മാലിന്യമുക്തമാക്കിയ നഗരസഭയുടെ പ്രവര്ത്തനം മറ്റുള്ളവര്ക്ക് മാതൃകയാണ്.”
”ഏലൂരിനെ മാലിന്യമുക്തമാക്കിയ നഗരസഭയുടെ പ്രവര്ത്തനം മറ്റുള്ളവര്ക്ക് മാതൃകയാണ്.”
”ഏലൂരിനെ മാലിന്യമുക്തമാക്കിയ, നഗരസഭയുടെ ചിട്ടയായ പ്രവര്ത്തനം മാതൃകയാണ്.” (ശരി)
‘കര്ക്കിടക’ത്തെ കൈവിടാന് പലരും മടിക്കുന്നു.
‘കര്ക്കടകം’ ശരി
‘ഞാറ്റുവേല ചന്ത’യും ‘കര്ക്കിടക കിഴിവും’ ‘കര്ക്കിടക കണി’യും വ്യാപകമായിട്ടുണ്ട്.
ഞാറ്റുവേലച്ചന്ത, കര്ക്കടകക്കിഴിവ്, കര്ക്കടകക്കഞ്ഞി (ശരി).
പിന്കുറിപ്പ്:
ഒരു പംക്തിയില് നിന്ന്: മനുഷ്യാവകാശം, സ്ത്രീവിരുദ്ധം, തുടങ്ങിയ ഏതു വിഷയത്തിലും നെഞ്ചുപൊട്ടിക്കരയാറുള്ള ബുദ്ധിജീവികളെല്ലാം നിശ്ശബ്ദരായിപ്പോകാന് ഏക കാരണം സാഹിത്യ, സംഗീത, നാടക അക്കാദമികളാണത്രെ.
പുരസ്കാരങ്ങള് മാത്രമല്ല, ബുദ്ധിജീവികളെയും മരവിപ്പിക്കാന് അക്കാദമികള്ക്ക് കഴിയും.
ജന്മഭൂമി ഓണ്ലൈന്