വിശുദ്ധൗ തേ ശുദ്ധസ്ഫടികവിശദം വ്യോമജനകം
ശിവം സേവേ ദേവീമപി ശിവസമാനവ്യവസിതാം
യയോഃ കാന്ത്യാ യാന്ത്യാ ശശികിരണ സാമൂപ്യസരണേര്
വിധൂതാന്തര്ദ്ധ്വാന്താ വിലസതി ചകോരീവ ജഗതീ
വിധൂതൗ തേ – അവിടുത്തെ വിശുദ്ധിചക്രത്തില്
ശുദ്ധസ്ഫടികവിശദം – സ്ഫടികം പോലെ നിര്മലനായതും
വ്യോമജനകം – ആകാശതത്വത്തെ ജനിപ്പിക്കുന്നവനുമായ
ശിവം – ശിവനേയും
ശിവസമാനവ്യവസിതാം ദേവീം അപി സേവേ- അദ്ദേഹത്തിനു സമാനമായ പ്രയത്നത്തോടുകൂടിയ ദേവിയേയും (ഞാന്) ഭജിക്കുന്നു.
യയോ ശശികിരണ സാരൂപ്യ കാന്ത്യാ യാന്ത്യാ നിസ്സരണേ- ചന്ദ്രകിരണസദൃശമായ കാന്തി യാതൊരുവരില്നിന്നും നിസ്സരിക്കുന്നുവോ
വിധൂതാന്തര്ദ്ധ്വാന്താ ചകോരീ ഇവ ജഗതി വിലസതി- ആ കാന്തിയില് നശിപ്പിക്കപ്പെട്ട ചകോരപ്പക്ഷിയെപ്പോലെ ഈ ത്രൈലോക്യം പ്രകാശിക്കുന്നു.
അല്ലയോ ദേവീ! അവിടുത്തെ വിശുദ്ധിചക്രത്തില് സ്ഫടികംപോലെ നിര്മലനായും ആകാശതത്വത്തിന്റെ ജനകനായും ഇരിക്കുന്ന പരമശിവനേയും, ശിവനു സമാനമായ പ്രയത്നത്തോടുകൂടിയ അവിടുത്തേയും ഞാന് ഭജിക്കുന്നു. ഈ ശിവദമ്പതികളില്നിന്നുള്ള ചന്ദ്രകിരണ സദൃശമായ കാന്തിയില് ഈ ലോകം മുഴുവനും, അജ്ഞാനാന്ധകാരം നശിപ്പിക്കപ്പെട്ട് ചകോരപ്പക്ഷിയെപ്പോലെ ഉല്ലാസത്തെ പ്രാപിക്കുന്നു.
ജന്മഭൂമി ഓണ്ലൈന്