തിരുവനന്തപുരം : സംസ്ഥാനത്ത് പ്രളയ പുനര് നിര്മാണത്തിനും വികസന പ്രവര്ത്തനങ്ങള്ക്കും പണമില്ലെന്ന് പിണറായി സര്ക്കാര് വാതോരാതെ പ്രസംഗിക്കുമ്പോള് മുഖ്യമന്ത്രിയുടെ സോഷ്യല് മീഡിയ അക്കൗണ്ടിനായി ചെലവഴിക്കുന്നത് ഒരു കോടിയില് അധികം.
സിഡിറ്റ് തയ്യാറാക്കിയ പദ്ധതി അഗീകരിച്ച് പിആര്ഡി പണം അനുവദിച്ചുകഴിഞ്ഞു. മുന് മുഖ്യമന്ത്രിമാരുടെ കാലത്ത് പിആര്ഡിയിലെ സര്ക്കാര് ജീവനക്കാര് നിര്വ്വഹിച്ചിരുന്ന ജോലികളാണ് ഇപ്പോള് മറ്റ് ഏജന്സികളിലെത്തുന്നത്.
മുഖ്യമന്ത്രിയെ സോഷ്യല് മീഡിയ അക്കൗണ്ടുകള് സജീവമാക്കുന്നതിനായി മാത്രം ഒരു കോടി 10 ലക്ഷം രൂപയാണ് സംസ്ഥാന ഖജനാവില് നിന്നും ചെലവഴിക്കുന്നത്. കൂടാതെ പിണറായിയുടെ സമൂഹ മാധ്യമ അക്കൗണ്ടുകള് കൈകാര്യം ചെയ്യുന്നതിനു മാത്രമായി 12 അംഗ ടീമിനെയാണ് സിഡിറ്റ് സജ്ജമാക്കിയിരിക്കുന്നത്. ഇവര്ക്ക് ഒരുവര്ഷത്തെ ശമ്പള ഇനത്തില് മാത്രം 80 ലക്ഷം രൂപയാണ് ചെലവ് വകയിരുത്തിയത്.
സംസ്ഥാനത്തെ പുനര് നിര്മാണത്തിന് പണമില്ലെന്നും, പ്രളയത്തില് കിടപ്പാടവും എല്ലാസമ്പാദ്യങ്ങളും നഷ്ടപ്പെട്ട് ജനങ്ങള് ഇപ്പോഴും വലയുന്ന അവസ്ഥയിലാണ് ഇടത് സര്ക്കാരിന്റെ ഈ ധാരാളിത്തം.
ശബരിമലയിലും തെരഞ്ഞെടുപ്പിലും മുഖ്യമന്ത്രിക്ക് നഷ്ടപ്പെട്ട പ്രതിച്ഛായ സമൂഹ മാധ്യമങ്ങള് സജീവമാക്കി ഇപ്പോള് വീണ്ടെടുക്കാനുള്ള ശ്രമമാണ് ഇപ്പോള് നടന്നു വരുന്നത്. വികസന പ്രവര്ത്തനങ്ങള്ക്കായുള്ള പൊതു ഖജനാവിലെ പണമാണ് സര്ക്കാര് ഇതേിനായി ഉപയോഗിക്കുന്നത്.
മുഖ്യമന്ത്രിയുടെ വാര്ത്താസമ്മേളനങ്ങള്, മറ്റ് പൊതുപരുപാടികള് എന്നിവയെല്ലാം ഇനി മുതല് സമൂഹ മാധ്യമങ്ങള് വഴി ലൈവ് സ്ട്രീമിങ്ങ് നടത്താനും തീരുമാനിച്ചിട്ടുണ്ട്. ഇതിനായി ചിലവ് 5.5 ലക്ഷം രൂപയാണ്.
സര്ക്കാര് ഏജന്സിയായ സിഡിറ്റിനാണ് പിആര്ഡി പണം അനുവദിച്ചിരിക്കുന്നത്.പക്ഷേ മുഖ്യമന്ത്രിയുടെ സോഷ്യല് മീഡിയ ടീമിനായി സിഡിറ്റ് നടത്തിയത് പൂര്ണ്ണമായ രാഷ്ട്രീയ നിയമനങ്ങള്. മാധ്യമമേഖല കൈകാര്യം ചെയ്യാന് മുഖ്യമന്ത്രിയുടെ ഓഫീസില് വിപുലമായ ടീം ഉള്ളതിന് പുറമെയാണ് സോഷ്യല് മീഡിയ ഇടപെടലിന് മാത്രമായി ഇത്ര വിപുലമായ സംവിധാനങ്ങള് ഒരുക്കുന്നത്.
