മലപ്പുറം: കല്ലട ബസില് യാത്രക്കാരിയെ ലൈംഗികമായി പീഡിപ്പിക്കാന് ശ്രമിച്ചതായി പരാതി. ബസിലെ രണ്ടാം ഡ്രൈവറാണ് പീഡിപ്പിക്കാന് ശ്രമിച്ചത്. സംഭവത്തെ തുടര്ന്ന് ബസ് തേഞ്ഞിപ്പലം പോലീസ് പിടിച്ചെടുത്തു.
യാത്രക്കാരിയുടെ പരാതിയില് ഡ്രൈവര് ജോണ്സന് ജോസഫിനെ പോലീസ് കസ്റ്റഡിയിലെടുത്തു. ഇയാളുടെ അറസ്റ്റ് ഉടന് രേഖപ്പെടുത്തുമെന്ന് പൊലീസ് അറിയിച്ചു. യാത്രക്കാര് സംഘടിച്ചാണ് പ്രതിയെ പിടികൂടി പോലീസിന് കൈമാറിയത്. കണ്ണൂരില്നിന്ന് കൊല്ലത്തേക്ക് പോകുകയായിരുന്ന തമിഴ്നാട് സ്വദേശിനിയെയാണ് ഇയാള് പീഡിപ്പിക്കാന് ശ്രമിച്ചത്.
ഇന്ന് രാവിലെ മറ്റൊരു കല്ലട ബസില് യാത്രക്കാരനെതിരായ ക്രൂരതയുടെ വാര്ത്ത പുറത്തുവന്നതിന് പിന്നാലെയാണ് പീഡന വിവരവും പുറത്തുവന്നത്. അമിത വേഗതയില് അശ്രദ്ധമായി ബസോടിച്ചു ഹംപില് ചാടിയത് കാരണം യാത്രക്കാരന്റെ തുടയെല്ല് പൊട്ടിയിരുന്നു. വേദനകൊണ്ടു പുളഞ്ഞ യാത്രക്കാരനെ ആശുപത്രിയില് എത്തിക്കാന് പോലും ബസ് ജീവനക്കാര് തയാറായില്ല. കല്ലട ബസില് യാത്ര ചെയ്ത പയ്യന്നൂര് സ്വദേശി മോഹനാണ് ഭീകര അനുഭവം ഉണ്ടായത്.
ഗുരുതരാവസ്ഥയിലായ മോഹനെ ഒടുവില് മകന് എത്തിയാണ് ആശുപത്രിയിലാക്കിയത്. ശസ്ത്രക്രിയക്ക് ശേഷം ആശുപത്രിയിലെ അത്യാഹിത വിഭാഗത്തില് നിരീക്ഷണത്തില് ആയിരുന്ന മോഹനെ ഇന്നലെ വാര്ഡിലേക്ക് മാറ്റി.
