തിരുവനന്തപുരം: സുനാമിഫണ്ട് വകമാറ്റി ചെലവഴിച്ചതു പോലെ പ്രളയ ദുരിതാശ്വാസ നിധിയിലേക്ക് ലഭിച്ച തുക വകമാറ്റി ചെലവഴിക്കരുതെന്ന് ഒ.രാജഗോപാല്. പ്രളയക്കെടുതി വിലയിരുത്താനുള്ള പ്രത്യേക നിയമസഭാ സമ്മേളന ചര്ച്ചയില് സംസാരിക്കുകയായിരുന്നു അദ്ദേഹം.
ദുരിതാശ്വാസ നിധി സ്വീകരിക്കുന്നതിന് പ്രത്യേക അക്കൗണ്ട് തുടങ്ങണം. ചെലവഴിക്കുന്ന തുകയ്ക്ക് സുതാര്യത വേണം. ഇത് സോഷ്യല് ഓഡിറ്റിന്് വിധേയമാക്കണമെന്നും രാജഗോപാല് ആവശ്യപ്പെട്ടു.
പുതിയ കേരള നിര്മിതിക്കായി വിദഗ്ധരെ ഉള്പ്പെടുത്തി കമ്മറ്റി രൂപീകരിക്കണം. ശാസ്ത്രീയ വശങ്ങള് പരിശോധിച്ചു വേണം നിര്മാണ പ്രവര്ത്തനങ്ങള് നടത്താന്. ഇത് വെറും രാഷ്ട്രീയം കളിക്കേണ്ട വേദിയാക്കരുത്. പ്രളയത്തില് 25,000 ഹെക്ടര് കൃഷി നശിച്ചിട്ടുണ്ട്. അവര്ക്ക് അര്ഹമായ നഷ്ടപരിഹാരം നല്കണം.
പലയിടത്തും നദികള് കരകവിയാന് കാരണം കര ഇടിഞ്ഞതിനാലാണ്. അതിനാല് നദികളുടെ ഇരു കരകളും കരിങ്കല് ഭിത്തി കെട്ടി ബലപ്പെടുത്തണം. ദുരിതാശ്വാസ ക്യാമ്പുകള് സിപിഎമ്മുകാര് പിടിച്ചടക്കിയത് നിര്ഭാഗ്യകരമാണെന്നും രാജഗോപാല് പറഞ്ഞു.
