മൂന്നു പതിറ്റാണ്ടിലേറെ സിപിഎം ഭരിച്ച് ഭൂമിയിലെ സ്വര്ഗ്ഗമാക്കിത്തീര്ത്ത ബംഗാളില് നിന്നും വിശപ്പടക്കാന് നിവൃത്തിയില്ലാതെ തൊഴില് തേടി യുവാക്കള് കൂട്ടത്തോടെ പലായനം ചെയ്യുന്നു. രാജ്യത്തിന്റെ വിവിധ ഭാഗങ്ങളില് അലഞ്ഞു തിരിഞ്ഞു നടക്കുന്നവരില് അധികം പേരും കേരളത്തിലാണ്
സിപിഎമ്മിന്റെ പതനത്തിന് ശേഷം അധികാരത്തില് വന്ന തൃണമൂല് കോണ്ഗ്രസ് അവിടെ നടത്തിക്കൊണ്ടിരിക്കുന്ന തേര് വാഴ്ച അതിക്രൂരം തന്നെ! തദ്ദേശ തെരഞ്ഞെടുപ്പില് അവര് ബംഗാളിനെ കുരുതിക്കളമാക്കി. അനുഭവത്തിന്റെ വെളിച്ചത്തില് ഒരു കാര്യം പറയാം. ബംഗാളികള് പൊതുവേ അതിക്രൂരന്മാരൊന്നുമല്ല. അവരിലേറെയും ഭീരുക്കളാണ്.ഇന്ദിരാ ഗാന്ധിയുടെ ഭരണകാലത്ത് ആസ്സാമിലും ബംഗാളിലുമൊക്കെയായി നാല്പ്പത് ലക്ഷത്തിലേറെ അനധികൃത കുടിയേറ്റക്കാരുണ്ടായിരുന്നു. ഫക്രുദ്ദീന് അലി അഹമ്മദ് രാഷ്ട്രപതിയായപ്പോഴത്തെ കഥയാണിത്.
കുടിയേറ്റ പ്രശ്നം പാര്ലമെന്റില് ചര്ച്ചയായി വന്നപ്പോള് കോണ്ഗ്രസ്സ് കുടിയേറ്റക്കാരെന്ന് റിപ്പോര്ട്ട് ചെയ്യുകയാണുണ്ടായത്. പൗരത്വമില്ലെങ്കിലും അവര്ക്ക് വോട്ടവകാശം നല്കണമെന്നാണ് കോണ്ഗ്രസ്സുകാര് ആവശ്യപ്പെട്ടത്. രാജ്യത്തെ പൗരന്മാര് അല്ലാതെ വോട്ടവകാശമുള്ളതായി എവിടെയെങ്കിലും കേട്ടിട്ടുണ്ടോ?. രാജ്യത്തിന്റെ സുരക്ഷ പാടേ അവഗണിച്ച് വോട്ടുബാങ്കുണ്ടാക്കി രാജ്യത്തെ നശിപ്പിച്ചവരാണവര്. ദീര്ഘകാലം ആസ്സാം ഭരിച്ചിരുന്നതും അവര്തന്നെയായിരുന്നില്ലെ. ഇനി ബംഗാളിലേക്കുതന്നെ തിരിച്ചു വരുമ്പോള് മമതാ ബാനര്ജിയുടെ ചോരക്കളികള് അനധികൃത കുടിയേറ്റക്കാരെ വച്ചുകൊണ്ട് തന്നെയാണ്.
എം. ശ്രീധരന്, വരവൂര്
