മുഹമ്മ: നിയന്ത്രണം വിട്ട കാര് വസ്ത്ര വ്യാപാര കടയിലേയ്ക്ക് ഇടിച്ചു കയറി. ഭാഗ്യം കൊണ്ട് വന് ദുരന്തമൊഴിവായി. ഈരാറ്റുപേട്ടയില് നിന്ന് ആലപ്പുഴയ്ക്കു പോകുകയായിരുന്ന ടയോട്ട ഇന്നോവ കാറാണ് മുഹമ്മ ജങ്ഷനു സമീപം പ്രവര്ത്തിക്കുന്ന ബ്ലാങ്ക്സ് വസ്ത്രവ്യാപാരകടയിലേയ്ക്ക് ഇടിച്ചു കയറിയത്.
കട ഭാഗികമായി തകര്ന്നു. കാറിന്റെ മുന്ഭാഗം പൂര്ണ്ണമായി തകര്ന്നു. കാര് ഓടിച്ചിരുന്ന ഈരാറ്റുപേട്ട അരുവിത്തറ വൈശ്യം പറമ്പില് നൗഷാദ് സഹ യാത്രികന് നസീര് എന്നിവരാണ് കാറില് ഉണ്ടായിരുന്നത്.
കാര് തകര്ന്നെങ്കിലും കാറിലുണ്ടായിരുന്ന രണ്ടും പേര്ക്കും നിസാര പരിക്കുകള് മാത്രമാണ് ഉണ്ടായത്. കാര് കടയിലേയ്ക്ക് ഇടിച്ചു കയറിയ നേരത്ത് കടയിലുണ്ടായിരുന്നവര് പുറത്തു പോയിരുന്നതിനാല് വന് ദുരന്തമൊഴിവായി.
വസ്ത്ര വ്യാപാര കടയുടെ സമീപം പ്രവര്ത്തിക്കുന്ന ഇരമ്പുകടയുടെ മുന്വശം സ്ഥാപിച്ചിരുന്ന ഇരമ്പു പൈപ്പുകളും ചങ്ങലയും തകര്ത്താണ് കാര് വസ്ത്രവ്യാപാരകടയിലേയ്ക്ക് ഇടിച്ചു കയറിയത്. വളരെ തിരക്കുള്ള മുഹമ്മ ജങ്ഷനില് ആ സമയത്ത് മറ്റു വാഹനങ്ങളില്ലാതിരുന്നതും വന് ദുരന്തമൊഴിവാകാന് കാരണമായി.
