മൂര്‍ക്കനാട്: ജനോപകാരം ചെയ്യാന്‍ പോയ മൊയ്തീനും കുടുംബവും ഇപ്പോള്‍ ദുരിതത്തിലായി.
മൂര്‍ക്കനാട് പൊട്ടിക്കുഴിപറമ്പില്‍ മൊയ്തീന് വര്‍ഷങ്ങള്‍ക്ക് മുമ്പ് പ്രദേശത്ത് വൈദ്യുതി കൊണ്ടുവരാന്‍ വേണ്ടിയാണ് ട്രാന്സ്ഫോര്മര് സ്ഥാപിക്കാന്‍ സ്വന്തം സ്ഥലം വിട്ടുകൊടുത്തത്. എന്നാല്‍ വര്‍ഷങ്ങള്‍ കഴിഞ്ഞിട്ടും ട്രാന്സ്ഫോര്മര് ഇവിടെ നിന്ന് മാറ്റാന്‍ കെഎസ്ഇബി അധികൃതര്‍ തയ്യാറായിട്ടില്ല. തുറന്നു കിടക്കുന്ന ഫ്യുസ് ബോര്‍ഡുകളും താഴ്ന്നു കിടക്കുന്ന മെയിന്‍ കേബിളുകളും കാരണം കുട്ടികളെ വീടിന് പുറത്തേക്ക് വിടാന്‍ പോലും മൊയ്തീന് പേടിയാണ്.
സുരക്ഷാ കവചങ്ങളോ മറ്റ് അനുബന്ധന ഘടകങ്ങളോ ഇല്ലാതെ സ്ഥാപിച്ച ട്രാന്‍സ്‌ഫോര്‍മറില്‍ നിന്നും ഇടക്ക് തീപ്പൊരി ചിതറുന്നത് കാരണം വലിയ ഭീതിയിലാണ് കുടുംബം. ട്രാന്സ്ഫോര്മര് തൊട്ടടുത്ത റോഡരികിലേക്ക് മാറ്റി സ്ഥാപിച്ച് കുടുംബത്തിന്റെ ആശങ്കയകറ്റണമെന്ന് ഇദ്ദേഹം ആവശ്യപ്പെടുന്നു. പലതവണ അപേക്ഷ നല്‍കിയെങ്കിലും ബന്ധപ്പെട്ടവര്‍ അനുകൂലമായി പ്രതികരിക്കുന്നില്ലെന്നും മൊയ്തീന് പറയുന്നു.
പ്രതികരിക്കാൻ ഇവിടെ എഴുതുക: