ആലുവ: യുസി കോളേജിലെ എബിവിപി പ്രവര്‍ത്തകരെ എസ്എഫ്‌ഐക്കാര്‍ ക്രൂരമായി മര്‍ദ്ദിച്ചു. ഒരാഴ്ച മുമ്പ് കോളേജില്‍ നടന്ന അക്രമത്തിനെതിരെ എബിവിപി പ്രവര്‍ത്തകര്‍ പരാതി നല്‍കിയതിന്റെ പ്രതികാരമായാണ് മര്‍ദ്ദനം. എബിവിപി പ്രവര്‍ത്തകനായ കൃഷ്ണരാജിനെ ഒരു സംഘം എസ്എഫ്‌ഐ പ്രവര്‍ത്തകര്‍ ക്യാമ്പസില്‍വെച്ച് മര്‍ദ്ദിച്ചതിനെതിരെ പ്രിന്‍സിപ്പലിന് പരാതി നല്‍കിയിരുന്നു.
കൃഷ്ണരാജിനെ ആശുപത്രിയില്‍ എത്തിച്ച അരവിന്ദ് ശശിധരന്‍, അരവിന്ദ് കുമാര്‍. ജെ, ഗോകുല്‍ എം.ആര്‍. എന്നിവരെയും എസ്എഫ്‌ഐ പ്രവര്‍ത്തകര്‍ മര്‍ദ്ദിച്ചു.
മര്‍ദ്ദനമേറ്റ് ആശുപത്രിയില്‍ കഴിയുന്ന എബിവിപി പ്രവര്‍ത്തകരെ യുവമോര്‍ച്ച ജില്ലാ പ്രസിഡന്റ് ദിനില്‍ ദിനേഷ്, ബിജെപി മണ്ഡലം പ്രസിഡന്റ് കെ.ജി. ഹരിദാസ്, ജനറല്‍ സെക്രട്ടറിമാരായ രൂപേഷ് പൊയ്യാട്ട്, അഡ്വ പി. ഹരിദാസ്, എ. സെന്തില്‍ കുമാര്‍ സതീഷ് കുമാര്‍ എന്നിവര്‍ സന്ദര്‍ശിച്ചു.
പ്രതികരിക്കാൻ ഇവിടെ എഴുതുക: