കോട്ടയം: ഗ്രാമ്യ നൈര്മല്യത്തിന്റെയും, നാടകശീലുകളുടെയും സ്നേഹ വായ്പിന്റെയും രുചികളുടേയും ഊഷ്മളതയുണര്ത്തി ആത്മ അപൂര്വ്വ നാടകകൂട്ടായ്മഒരുക്കി.
തിരുവാതുക്കല് ഏ.പി.ജെ. അബ്ദുള്കാലം ടൗണ് ഹാളിലാണ് ത്രിദ്വിന നാടകസംഗമവേദി. കഴിഞ്ഞ 70 വര്ഷക്കാലമായി കോട്ടയം തിരുവാതുക്കല്വേളൂര് പ്രദേശങ്ങളിലെ മലയാള നാടകചലച്ചിത്ര സാഹിത്യമണ്ഡലങ്ങളില് ശോഭിച്ച കലാകാരന്മാരുടെയും കുടുംബാംഗങ്ങളുടെയും കലാസ്വാദകരുടെയും ഒത്തുചേരല് നാടക പ്രസ്ഥാനങ്ങള്ക്ക് പുത്തന് ഉണര്വ്വേകി.
ശബ്ദപ്രകാശവിന്യാസത്തില് അഗ്രഗണ്യനായ ശങ്കുണ്ണിചേട്ടന്, വാസുദേവന്, മല്ലിക, വേളൂര് പി.കെ. രാമചന്ദ്രന്, എ.കെ. കമലമ്മ, സൗണ്ട്ബേബി, തബലജോസ്, എ.കെ.ബി. ചന്ദ്രന്, കോട്ടയം ചന്ദ്രന്, കെ.എം. പ്രതാപന്, അവറാന്, ഷമീര്ചെത്തിയില്, ഈശോ, പ്രകാശന്, സേവ്യര്, ജോയികരയോരത്തില്, അഡ്വ. മോഹന്ശശി, സുന്ദരന്, വട്ടത്ര ഗോപി എന്നിവരെ നാടകകൂട്ടായ്മയില് ആദരിച്ചു. സണ്ണികല്ലൂര് അദ്ധ്യക്ഷനായ യോഗത്തില് ജോഷിമാത്യു ആണ് ഉപഹാരസമര്പ്പണം നടത്തിയത്. ഹരിലാല്, എം.ടി. സന്തോഷ്കുമാര്, അനീഷ്കുമാര്, ബിനോയ്വേളൂര്, ബിനോയ്ഇല്ലിക്കല് തുടങ്ങിയവര് സംസാരിച്ചു.
നാടക കൂട്ടായ്മയുടെ ഭാഗമായി മണ്മറഞ്ഞ നാടകകലാകാരന്മാരുടെ ഛായചിത്രപ്രദര്ശനവും പരമ്പരാഗത നാടക പരസ്യഉന്തുവണ്ടിയും നാടന് ഭക്ഷ്യമേളയും, ഉല്പന്ന പ്രദര്ശനവും ഒരുക്കപ്പെട്ടു.
