ആലുവ: ആലുവ ശിവരാത്രി മണപ്പുറത്തുള്ള ശബരിമല ഇടത്താവളത്തില്‍ തിരക്കേറി. നിരവധി വാഹനങ്ങള്‍ക്ക് പാര്‍ക്ക് ചെയ്യാന്‍ കഴിയുമെന്നതുകൊണ്ട് തന്നെയാണ് ദൂരെ നിന്നെത്തുന്ന അയ്യപ്പ ഭക്തന്മാരില്‍ ഏറെപേരും ഇപ്പോള്‍ രാത്രി ആലുവ മണപ്പുറത്തെ ഇടത്താവളത്തെ വിശ്രമകേന്ദ്രമായി തിരഞ്ഞെടുക്കുന്നത്. ദേവസ്വം ബോര്‍ഡിന്റെ ഹാള്‍ അയ്യപ്പഭക്തന്മാര്‍ക്ക് സൗജന്യമായി തങ്ങുന്നതിന് തുറന്നുകൊടുക്കുന്നുണ്ട്. ഹോട്ടലുകളും മണപ്പുറത്ത് ഏറെയുണ്ട്. ഇവിടെ രാത്രി തങ്ങുന്നവര്‍ പുലര്‍ച്ചെ പുഴയില്‍ കുളിച്ച് ആലുവ ശ്രീമഹാദേവക്ഷേത്രദര്‍ശനവും കഴിഞ്ഞാണ് മടങ്ങുന്നത്. ഇതര സംസ്ഥാനങ്ങളില്‍ നിന്ന് വിമാനമാര്‍ഗം നെടുമ്പാശ്ശേരിയില്‍ വന്നിറങ്ങുന്നഅയ്യപ്പഭക്തന്മാര്‍ കെട്ടുനിറക്കുന്നതും ആലുവ മണപ്പുറത്തെത്തിയാണ്. കെട്ടുനിറച്ചു കൊടുക്കുന്നതിന് പെരിയസ്വാമിമാരുടെ സേവനവും ഇവിടെ ലഭിക്കും. അയ്യപ്പഭക്തന്മാര്‍ക്ക് വിരിവെക്കുന്നതിനുവേണ്ടി ക്ഷേത്രത്തിനു ചുറ്റും ദേവസ്വംബോര്‍ഡ് സൗകര്യം ഏര്‍പ്പെടുത്തിയിട്ടുണ്ട്. പോലീസ് കണ്‍ട്രോള്‍ റൂം ഇവിടെ പ്രവര്‍ത്തിക്കുന്നുണ്ട്.
Wednesday, November 27, 2024
മണപ്പുറത്ത് ശബരിമല തീര്‍ത്ഥാടകരുടെ തിരക്കേറി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: