ശാന്തിമാരെ ആദരിച്ചു

കാലടി: ചൊവ്വര ചിദംബരേശ്വര ക്ഷേത്രത്തിലെ 25-ാമത് അയ്യപ്പന്‍ വിളക്ക് മഹോത്സവത്തോടനുബന്ധിച്ച് ശബരിമല തന്ത്രി കണ്ഠരര് രാജീവര്, ശബരിമല മേല്‍ശാന്തിമാരായ എഴിക്കോട് ശശി നമ്പൂതിരി, ആത്രശ്ശേരി രാമന്‍ നമ്പൂതിരി, എടമന എന്‍. ബാലമുരളി, എടമന എന്‍. ദാമോദരന്‍ പോറ്റി, തൃക്കരിയൂര്‍ പി.എന്‍. നാരായണന്‍ നമ്പൂതിരി, എഴിക്കോട് ഇ.എന്‍. കൃഷ്ണദാസ,് മാളികപ്പുറം മേല്‍ശാന്തിമാരായ കോട്ടൂര്‍ ചെറുവള്ളി കെ.സി മാധവന്‍ നമ്പൂതിരി, ഇ.എസ്. ഉണ്ണികൃഷ്ണന്‍ നമ്പൂതിരി, ചിദംബരേശ്വര ക്ഷേത്രം തന്ത്രി ചേന്നാസ് ഗിരീജന്‍ നമ്പൂതിരി എന്നിവരെ ആദരിച്ചു. ഇന്ന് വൈകിട്ട് 6.30ന് അയ്യപ്പസേവാസമാജം അഖിലേന്ത്യാ ഉപാദ്ധ്യക്ഷന്‍ സ്വാമി അയ്യപ്പദാസിന്റെ പ്രഭാഷണം നടക്കും. വെള്ളിയാഴ്ച വൈകിട്ട് 6.30ന് സമന്വയ സംഗമം അന്‍വര്‍ സാദത്ത് എംഎല്‍എ ഉദ്ഘാടനം ചെയ്യും. 16ന് അയ്യപ്പന്‍ വിളക്ക് നടക്കും.