കുമളി: ഉപജീവനമാര്ഗ്ഗം ഇല്ലാതാക്കിയ പഞ്ചായത്ത് ഭരണസമിതിയുടെ നിലപാടില് പ്രതിഷേധിച്ച് വീട്ടമ്മ പട്ടാപ്പകല് മണ്ണെണ്ണയൊഴിച്ച് ആത്മഹത്യയ്ക്ക് ശ്രമിച്ചു. കുമളി റോസാപ്പൂകണ്ടം പടിഞ്ഞാറേപ്പറമ്പില് കനകമ്മ (50) ആണ് കുമളി ബസ് സ്റ്റാന്റിനുള്ളില് ശരീരമാസകലം മണ്ണണ്ണയൊഴിച്ചത്. ഇന്നലെ വൈകിട്ട് അഞ്ചരയോടെയായിരുന്നു സംഭവം. കഴിഞ്ഞ പതിനെട്ട് വര്ഷമായി കുമളി പഞ്ചായത്ത് ബസ് സ്റ്റാന്റിനുള്ളില് വെയിറ്റിങ് ഷെഡിന് സമീപത്തായി തട്ടുകട നടത്തി വരികയായിരുന്നു ഇവര്. കഴിഞ്ഞ ദിവസം പഞ്ചായത്ത് സെക്രട്ടറിയുടെ നേതൃത്വത്തിി
ല് ഇവരുടെ കട ഒഴിപ്പിച്ചിരുന്നു. തന്റെ ഉപജീവനമാര്ഗ്ഗം നഷ്ടപ്പെട്ടതില് പ്രതിഷേധിച്ചാണ് ഇവര് മണ്ണെണ്ണ ഒഴിച്ചത്.
മണ്ണെണ്ണ ഒഴിച്ച ശേഷം തീകൊളുത്താന് ശ്രമിക്കുന്നത് ശ്രദ്ധയില്പ്പെട്ട നാട്ടുകാര് ഇവരില് നിന്ന് തീപ്പെട്ടി ബലമായി പിടിച്ചുവാങ്ങി. ഈ സമയം സിപിഐ ഓഫീസിലുണ്ടായിരുന്ന ഇ.എസ്. ബിജിമോള് എംഎല്എ ഇവരെ പോലീസ് സ്റ്റേഷനില് എത്തിക്കുകയായിരുന്നു. സംഭവം അറിഞ്ഞ് കുമളി പഞ്ചായത്ത് പ്രസിഡന്റ് ആന്സി ജെയിംസ്, സെക്രട്ടറി ഡോ. അജിത് കുമാറും സ്റ്റേഷനിലെത്തി കനകമ്മയുമായി സംസാരിച്ചു. ജീവിതമാര്ഗ്ഗം ഉണ്ടാക്കി നല്കാമെന്ന് പഞ്ചായത്ത് അധികൃതര് കനകമ്മയ്ക്ക് ഉറപ്പ് നല്കി. പിന്നീട് ഇവരെ ആശുപത്രിയില് എത്തിച്ച് പ്രാഥമിക ശുശ്രൂഷ നല്കി.
സര്വ്വകക്ഷി തീരുമാന പ്രകാരമാണ് കുമളി ടൗണില് അനധികൃതമായി പ്രവര്ത്തിക്കുന്ന കടകള് നീക്കം ചെയ്തതതെന്ന് പഞ്ചായത്ത് അഅ
ധികൃതര് പറഞ്ഞു.
