കൊച്ചി: മിമിക്രി-സിനിമാ താരം അബിക്ക് നാടിന്റെ അന്ത്യാഞ്ജലി. ചലച്ചിത്ര-സാംസ്‌കാരിക-രാഷ്‌ട്രീയ മേഖലയില്‍ നിന്ന് ഒട്ടേറെ പ്രമുഖര്‍ അന്തിമോപചാരമര്‍പ്പിക്കാന്‍ എളമക്കരയിലെ വീട്ടിലും മൂവാറ്റുപുഴയിലെ മസ്ജിദിലുമെത്തി. മൃതദേഹം വന്‍ ജനാവലിയുടെ സാന്നിദ്ധ്യത്തില്‍ പെരുമറ്റം ജുമാ മസ്ജിദ് ഖബര്‍സ്ഥാനില്‍ സംസ്‌ക്കരിച്ചു.
സിനിമാ താരങ്ങളായ ഫഹദ് ഫാസില്‍, നസ്രിയ നസിം, ജയസൂര്യ, കോട്ടയം നസീര്‍, സാജന്‍ പള്ളുരുത്തി, കുഞ്ചന്‍, ഷറഫുദീന്‍, വില്‍സണ്‍ ജോസഫ്, സംവിധായകരായ സിദ്ധിഖ്, സിബിമലയില്‍, ലാല്‍ജോസ്, മധുപാല്‍, സിദ്ധാര്‍ത്ഥ ശിവ, വസുദേവ് സനല്‍, ഹൈബി ഈഡന്‍ എംഎല്‍എ, പി.രാജീവ്, സി.ജി.രാജഗോപാല്‍ തുടങ്ങിയവര്‍ എളമക്കരയിലെ വീട്ടിലെത്തി അന്തിമോപചാരമര്‍പ്പിച്ചു.
ഇന്നലെ വൈകിട്ട് ആറരയോടെ ജന്മനാടായ മൂവാറ്റുപുഴയില്‍ എത്തിച്ച മൃതദേഹം മുനിസിപ്പല്‍ ടൗണ്‍ഹാളില്‍ പൊതുദര്‍ശനത്തിന് വച്ചു. സിനിമാ താരങ്ങളായ മമ്മൂട്ടി, സിദ്ധിക്ക്, സ്ഫടികം ജോര്‍ജ്ജ്, സാജുകൊടിയന്‍, ജയസൂര്യ, സംവിധായകന്‍ ലാല്‍ജോസ്, എംഎല്‍എമാരായ എല്‍ദോഎബ്രഹാം, എല്‍ദോസ് കുന്നപ്പിള്ളി, ആന്റണി ജോണ്‍, വി.പി. സജീന്ദ്രന്‍, നഗരസഭ ചെയര്‍പേഴ്‌സണ്‍ ഉഷശശിധരന്‍, മുന്‍ എംഎല്‍എ ഗോപി കോട്ടമുറിക്കല്‍, ജില്ലാ പഞ്ചായത്തംഗം എന്‍. അരുണ്‍, നഗരസഭ കൗണ്‍സിലര്‍മാര്‍, ഉദ്യോഗസ്ഥ പ്രമുഖര്‍ തുടങ്ങിയവര്‍ ടൗണ്‍ഹാളിലെത്തി അന്ത്യോപചാരമര്‍പ്പിച്ചു.
പ്രതികരിക്കാൻ ഇവിടെ എഴുതുക