മലപ്പുറം: കുറ്റിപ്പുറം എംഇഎസ് എഞ്ചിനീയറിംഗ് കോളേജ് എംബിഎ വിഭാഗം സംഘടിപ്പിക്കുന്ന പത്താമത് ദക്ഷിണേന്ത്യന്‍ മാനേജ്‌മെന്റ് ഫെസ്റ്റിവല്‍ ‘മെസ്മറൈസ്-17’ അഞ്ചിന് നടക്കും.
രാവിലെ 10ന് കോളേജ് ഓഡിറ്റോറിയത്തില്‍ പത്മശ്രീ. ഡോ. സുന്ദര്‍ മേനോന്‍ മേള ഉദ്ഘാടനം ചെയ്യും. നൂറില്‍പരം കോളേജുകളില്‍ നിന്നും മാനേജ്‌മെന്റ് ഇന്‍സ്റ്റിറ്റിയൂട്ടുകളില്‍ നിന്നുമായി ആയിരത്തോളം വിദ്യാര്‍ത്ഥികള്‍ പത്തോളം മാനേജ്‌മെന്റ് മത്സരങ്ങളില്‍ പങ്കെടുക്കും.
മേളയോടനുബന്ധിച്ച് നാലിന് രാവിലെ 9.30ന് പെരിന്തല്‍മണ്ണ എംഇഎസ് മെഡിക്കല്‍ കോളേജ് നടത്തുന്ന സൗജന്യ ദന്തപരിശോധന ക്യാമ്പ് നടക്കും. വാര്‍ഡ് മെമ്പര്‍ പി. അനീഷ് ഉദ്ഘാടനം ചെയ്യും. കോളേജ് ഡയറക്ടര്‍ ഡോ. കെ.പി. മുഹമ്മദ് അദ്ധ്യക്ഷത വഹിക്കും. ആറിന് വിദ്യാര്‍ത്ഥികള്‍ അവതരിപ്പിക്കുന്ന കലാപരിപാടികള്‍ പ്രിന്‍സിപ്പള്‍ ഡോ.എ.എസ്. വരദരാജന്‍ ഉദ്ഘാടനം ചെയ്യും.
വാര്‍ത്താസമ്മേളനത്തില്‍ ഡോ. കെ.പി. ജബീര്‍ മൂസാ, പ്രൊഫ. ഐസക് ജോര്‍ജ്ജ്, കെ.വി. മുബീന്‍ ഖാദര്‍, വി.ടി. അല്‍ത്താഫ് തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: