പാര്‍ക്കിങ് നിരക്ക് കുറച്ചു

കൊച്ചി: കൊച്ചി മെട്രോ സ്റ്റേഷനുകളിലെ പുതുക്കിയ പാര്‍ക്കിങ് നിരക്ക് നടപ്പിലായി. ആദ്യ രണ്ടു മണിക്കൂറിന് കാറുകള്‍ക്ക് 30 രൂപയായിരുന്നത് 25 രൂപയായാണ് കുറച്ചത്. ഇരുചക്ര വാഹനങ്ങളുടേത് 15 രൂപയില്‍ നിന്ന് പത്തു രൂപയായും കുറച്ചു. കൊച്ചി വണ്‍ കാര്‍ഡുടമകള്‍ക്കുളള നിരക്കിലും കുറവ് ലഭിക്കും. ഞായറാഴ്ചയും മറ്റ് അവധി ദിവസങ്ങളിലും നിരക്കില്‍ വ്യത്യാസമുണ്ടാകുമെന്ന് കെഎംആര്‍എല്‍ മാനേജിങ് ഡയറക്ടര്‍ എ.പി.എം. മുഹമ്മദ് ഹനീഷ് പറഞ്ഞു.