കൊടുങ്ങല്ലൂര്: അഴീക്കോട് മുനമ്പം ജങ്കാര് അറ്റകുറ്റപണിയില് നടന്ന അഴിമതി വിജിലന്സ് അന്വേഷിക്കണമെന്ന് ബിജെപി കയ്പമംഗലം മണ്ഡലം കമ്മിറ്റി ആവശ്യപ്പെട്ടു.
1.62 കോടി ചിലവിട്ട് അറ്റകുറ്റപണി നടത്തിയ ജങ്കാര് പത്തു ദിവസത്തിനകം രണ്ടു തവണ കേടുവന്നു. ജില്ലാ പഞ്ചായത്തിന്റെ കെടുകാര്യസ്ഥത ഇതോടെ വ്യക്തമായിരിക്കുകയാണ്.
അറ്റകുറ്റപണിയില് നടന്ന വന് അഴിമതി വിജിലന്സ് അന്വേഷിക്കണമെന്നും ജങ്കാര് സ്തംഭനത്തിന്റെ ഉത്തരവാദിത്വം ഏറ്റെടുത്ത് ജില്ലാ പഞ്ചായത്തംഗം രാജിവെക്കണമെന്നും യോഗം ആവശ്യപ്പെട്ടു. മണ്ഡലം പ്രസിഡന്റ് പി.എസ്.അനില്കുമാര് അദ്ധ്യക്ഷത വഹിച്ചു.
കര്ഷക മോര്ച്ച സംസ്ഥാന സെക്രട്ടറി എ.ആര്.അജി ഘോഷ്, സി.കെ.പുരുഷോത്തമന്, കെ.പി.ശശീന്ദ്രന്, പി.കെ. സുബ്രഹ്മണ്യന് എന്നിവര് സംസാരിച്ചു.
