വടക്കഞ്ചേരി: വിദ്യാര്‍ത്ഥിനിയെ തട്ടിക്കൊണ്ട് പോയി പീഡിപ്പിക്കാന്‍ ശ്രമിച്ച ഓട്ടോറിക്ഷ ഡ്രൈവര്‍ അറസ്റ്റില്‍. വടക്കഞ്ചേരി കണക്കന്‍തുരുത്തി മൂച്ചിക്കല്‍ കുളമ്പ് കറുപ്പന്‍ വീട്ടില്‍ സജി(40)യെയാണ് വടക്കഞ്ചേരി പോലീസ് അറസ്റ്റ് ചെയ്തത്.
നഗരത്തിലെ സ്‌ക്കൂളിലെ പത്താം ക്ലാസ്സ് വിദ്യാര്‍ത്ഥിനിയായ കുട്ടിയെ ബസ്സ്‌പോയതിനെ തുടര്‍ന്ന് സ്‌ക്കൂളില്‍ വേഗം എത്തിക്കാമെന്ന് പറഞ്ഞാണ് പ്രതി ഓട്ടോറിക്ഷയില്‍ കയറ്റിയത്. മണ്ണാംപറമ്പ് പ്രദേശത്ത് എത്തിയപ്പോള്‍ വഴി മാറ്റി സഞ്ചരിക്കുകയും വണ്ടി നിര്‍ത്തി കുട്ടിയെ പീഡിപ്പിക്കാന്‍ ശ്രമിക്കുകയായിരുന്നുവെന്ന് പോലീസ് പറഞ്ഞു.
പ്രാണരക്ഷാര്‍ത്ഥം ഓടി രക്ഷപ്പെട്ടകുട്ടി സ്‌ക്കൂളിലെത്തി വിഷമിച്ചിരിക്കുന്നത് കണ്ട് അധ്യാപിക കാര്യം തിരക്കിയപ്പോഴാണ് കുട്ടി കാര്യങ്ങള്‍ തുറന്ന് പറഞ്ഞ്. പ്രതി സജി മുമ്പ് ബസ് കണ്ടക്ടറായി ജോലി ചെയ്യുന്ന സമയത്തും വിദ്യാര്‍ത്ഥിനികളെ ശല്യം ചെയ്തതിനെ തുടര്‍ന്നാണ് ജോലിയില്‍ നിന്നും പുറത്താക്കിയത്. പ്രതി സജി വിവാഹിതനും രണ്ട് പെണ്‍മക്കളുടെ പിതാവുമാണ്.
പ്രതികരിക്കാൻ ഇവിടെ എഴുതുക: