തൃശൂര്: കൃഷിക്കാര് അവരുടെ ഉല്പ്പന്നങ്ങള് വ്യാവസായിക അടിസ്ഥാനത്തില് മൂല്യവര്ദ്ധിത ഉല്പ്പന്നങ്ങളാക്കി മാറ്റി വിപണനം ചെയ്യുന്ന വ്യവസായ സംരംഭകരായി മാറണമെന്ന് കൃഷി വകുപ്പ് മന്ത്രി വി.എസ്.സുനില്കുമാര് പറഞ്ഞു. കൃഷിവകുപ്പ് ഏങ്ങണ്ടിയൂര് പഞ്ചായത്തില് നടപ്പിലാക്കുന്ന കേരഗ്രാമം പദ്ധതി ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. കര്ഷകര് സ്വയം വ്യവസായ സംരംഭകരാത്ത പക്ഷം കുകുത്തകകള് ഈ മേഖലകള് കൈയടക്കും.
കേരഗ്രാമം പദ്ധതി നടപ്പിലാക്കുന്ന പഞ്ചായത്തുകളിലെല്ലാം ഫാര്മേഴസ് പ്രൊഡ്യൂസര് കമ്പനി രൂപീകരിക്കുമെന്നും മന്ത്രി പറഞ്ഞു. കെ.വി.അബ്ദുള്ഖാദര് എം.എല്.എ യുടെ അദ്ധ്യക്ഷതയില് ചേര്ന്ന യോഗത്തില് ഗ്രാമ പഞ്ചായത്ത് വൈസ് പ്രസിഡന്റ് ബീന ശശാങ്കന്, കര്ഷക സര്വ്വീസ് സഹകരണ ബാങ്ക് പ്രസിഡന്റ് എം.എ.ഹാരിസ് ബാബു, സ്റ്റാന്റിംഗ് കമ്മിറ്റി ചെയര്മാന് പി.എന് ജ്യോതിലാല്, ചെയര്പേഴ്സണ് ഇന്ദിര സുധീര്, ത്രിതല പഞ്ചായത്തംഗങ്ങള് തുടങ്ങിയവര് പങ്കെടുത്തു.കൃഷി ഡെപ്യൂട്ടി ഡയറക്ടര് കെ.എ.സബിത പദ്ധതി വിശദീകരണം നടത്തി. ഗ്രാമപഞ്ചായത്ത് പ്രസിഡന്റ് കെ.വി.അശോകന് സ്വാഗതവും കൃഷി ഓഫീസര് അനൂപ് വിജയന് നന്ദിയും പറഞ്ഞു.
