ചെറുതുരുത്തി: ആറ്റൂര് കാര്ത്യായനി ദേവീക്ഷേത്ര പരിസരങ്ങളില് കോഴി മാലിന്യം തള്ളുന്നു. ക്ഷേത്രത്തിന്റെ കിഴക്കേ നട ഭാഗത്തും പടിഞ്ഞാറെ നടയിലും മീത്തിലേക്കുള്ള വഴിയിലുമെല്ലാം ചെറിയ ചാക്കുകളിലാക്കിയാണ് കോഴി മാലിന്യം തള്ളിയിരിക്കുന്നത്.
മണ്ഡല കാലമായതിനാല് പുലര്ച്ചെ കുളിക്കാന് പോകുന്നവരും ക്ഷേത്രത്തിലേക്ക് വരുന്നവരും സമീപവാസികളും ഈ മാലിന്യങ്ങള് ചവിട്ടി വേണം പോകാന് എന്ന അവസ്ഥയാണ്.
അകമല ക്ഷേത്ര പരിസരത്തും മാലിന്യങ്ങള് തള്ളുന്നത് പതിവായിരിക്കുകയാണ്. ഇവിടങ്ങളില് കാമറ സ്ഥാപിക്കാനോ, ലൈറ്റ് സംവിധാനം ഏര്പ്പെടുത്താനോ ഇത് വരെയും നടപടിയായിട്ടില്ല.
