ചവറ: ചവറയില് കെഎംഎംഎല്- എംഎസ് യൂണിലേക്ക് റ്റിഎസ് കനാലിന് കുറുകെയുള്ള ഇരുമ്പ് നടപ്പാലം തകര്ന്ന് വെള്ളത്തില് വീണുണ്ടായ അപകടത്തെപറ്റി സര്ക്കാര് അന്വേഷണം നടത്തുമെന്ന് വ്യവസായ മന്ത്രി എ.സി. മൊയ്ദീന് പറഞ്ഞു. അപകടസ്ഥലം സന്ദര്ശിച്ചശേഷം സംസാരിക്കുകയായിരുന്നു അദ്ദേഹം.
അന്വേഷണത്തിന് അഡീഷണല് സെക്രട്ടറി പോള് ആന്റണിയെ ചുമതലപ്പെടുത്തിയിട്ടുണ്ട്. സഹായിക്കുന്നതിന് റോഡ്സ് ആന്റ് ബ്രിഡ്ജിലെ സാങ്കേതികവിദഗ്ധരും ഉണ്ടാകും. 15 ദിവസത്തിനുള്ളില് സര്ക്കാരിന് റിപ്പോര്ട്ട് സമര്പ്പിക്കുന്നതിനായാണ് നിര്ദേശം നല്കിയിരിക്കുന്നത്.
മരിച്ചവരുടെ കുടുംബങ്ങള്ക്ക് സര്ക്കാര് പ്രഖ്യാപിച്ച 10 ലക്ഷം രൂപക്ക് പുറമേ 21 ലക്ഷം രൂപ ഇന്ഷ്വറന്സ് തുകയും കമ്പനിയില് നിന്നുള്ള ആനുകൂല്യങ്ങളും നല്കും.
അമിതമായി ആളുകള് പാലത്തില് കയറിയതാണ് അപകടകാരണമെന്നാണ് പ്രാഥമീക നിഗമനം.
