പറവൂര്‍: വീട്ടമ്മയെ പീഡിപ്പിച്ച കേസില്‍ നന്ത്യാട്ടുകുന്നം സ്വദേശി മുക്കണ്ണിക്കല്‍ തങ്കച്ചന്‍ എന്ന് വിളിക്കുന്ന മനോജ് (39), കച്ചേരിപ്പടി സ്വദേശി കളത്തില്‍ പറമ്പില്‍ പ്രമോദ് (48)എന്നിവരെ പറവൂര്‍ സിഐ കൃസ്പിന്‍ സാമിന്റെ നേതൃത്വത്തില്‍ അറസ്റ്റ് ചെയ്തു.
ഒമ്പത് മാസത്തിന് മുമ്പാണ് മന്നം സ്വദേശിനിയായ വീട്ടമ്മയുമായി മനോജ് പരിചയപ്പെട്ടത്. വിവാഹം കഴിക്കാമെന്ന് പ്രലോഭിപ്പിച്ച് അമ്മന്‍കോവില്‍ റോഡിലുള്ള ഫ്‌ളാറ്റില്‍ മുറി വാടകക്കെടുത്ത് വീട്ടമ്മയെ പീഡിപ്പിക്കുകയായിരുന്നു. പീഡനം മൊബൈലില്‍ പകര്‍ത്തി സുഹൃത്തായ പ്രമോദിന് വഴങ്ങാന്‍ പ്രേരിപ്പിച്ചു. ഇതിനു വഴങ്ങാതിരുന്ന വീട്ടമ്മയെ പീഡനദൃശ്യങ്ങള്‍ കാട്ടി ബ്ലാക്ക്‌മെയില്‍ ചെയ്യുകയായിരുന്നു. തുടര്‍ന്ന് വീട്ടമ്മയുടെ പരാതിയുടെ അടിസ്ഥാനത്തിലാണ് അറസ്റ്റ്. ഇരുവരേയും റിമാന്റ് ചെയ്തു.
പ്രതികരിക്കാൻ ഇവിടെ എഴുതുക: