എടത്വാ: സംസ്ഥാനപാത ഉയര്ന്നപ്പോള് ഇടറോഡുകളിലെ ഗതാഗതം നിലച്ചു. അമ്പലപ്പുഴ- നീരേറ്റുപുറം സംസ്ഥാനപാത നവീകരണവുമായി ബന്ധപ്പെട്ട് റോഡ് ഉയര്ത്തിയപ്പോഴാണ് ഇടറോഡുകളിലെ ഗതാഗതം പൂര്ണമായി നിലച്ചത്. സംസ്ഥാനപാതയും ഇടറോഡുകളും തമ്മില് ഒന്നര അടിയിലേറെ പൊക്കവ്യത്യാസം അനുഭവപ്പെടുന്നുണ്ട്. ശബരിമല സീസണിന് മുന്പ് ആദ്യഘട്ട ടാറിങ്ങ് പൂര്ത്തിയാക്കണമെന്നിരിക്കേ റോഡ് നിര്മാണം ദ്രുതഗതിയിലായതോടെ ഇടറോഡുകളിലേക്ക് അപ്രോച്ച് റോഡ് നിര്മ്മിക്കാതെയുള്ള സംസ്ഥാനപാത നവീകരണമാണ് ഗതാഗത തടസം സൃഷ്ടിക്കുന്നത്. പൊക്കവ്യത്യാസം മൂലം ഇടറോഡുകളിലേക്ക് ചെറുവാഹനങ്ങള് കടക്കാന് കഴിയാത്ത അവസ്ഥയാണ്. ഗ്രാമീണ റോഡുകളില് ഗതാഗതം നിലച്ചതോടെ ഉള്പ്രദേശത്തെ യാത്രക്കാരാണ് ഏറെ ദുരിതം അനുഭവിക്കുന്നത്. കാര്, ഓട്ടോ എന്നീ വാഹനങ്ങളുടെ അടിഭാഗം റോഡില് ഇടിച്ച് കേടുസംഭവിക്കുമെന്ന കാരണത്താല് ഇടറോഡുകളിലെ യാത്ര ഡ്രൈവര്മാര് ഉപേക്ഷിച്ചിരിക്കുകയാണ്. അടിയന്തിര ഘട്ടത്തില് രോഗികളെ ആശുപത്രികളില് എത്തിക്കാന്പോലും ഡ്രൈവര്മാര് തയ്യാറാകുന്നില്ല.
സംസ്ഥാനപാത ഉയര്ന്നു; ഇടറോഡുകളിലെ ഗതാഗതം നിലച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.