തൃശൂര്: പൂങ്കുന്നം പാറമേക്കാവ് വിദ്യാമന്ദിറില് സിബിഎസ്ഇ ജില്ലാ കലോത്സവം സുരേഷ്ഗോപി എംപി ഉദ്ഘാടനം ചെയ്തു. കഥകളിയിലെ കുലപതിയായ കലാമണ്ഡലം ഗോപിയാശാനെ ചടങ്ങില് പൊന്നാട അണിയിച്ച് ആദരിച്ചു. സിനിമാതാരം ഭാമ മുഖ്യാതിഥിയായി. മേയര് അജിത ജയരാജന് കലോത്സവത്തിന്റെ പതാക ഉയര്ത്തി.
കേരളത്തിലെ സ്കൂള് വിദ്യാര്ത്ഥികള് അരക്ഷിതരായിരിക്കുന്നുവെന്നും സുരക്ഷ ഉറപ്പാക്കാന് അടിയന്തര പോലീസ് ഇടപെടല് ആവശ്യമാണെന്നും സുരേഷ്ഗോപി എംപി അഭിപ്രായപ്പെട്ടു. കൊല്ലത്തെ സ്കൂളില് കുട്ടി ആത്മഹത്യ ചയ്യാന് ഇടയാക്കിയത് ആ സ്കൂളിന്റെ പ്രശ്നം മാത്രമായി വിദ്യാഭ്യാസവകുപ്പും ആഭ്യന്തര മന്ത്രിയും കാണരുത്. ആകുട്ടി കേരളത്തിലെ അരക്ഷിതാവസ്ഥയുടെ ഇരയാണ്. സ്കൂളുകളില് അടിയന്തരമായി രക്ഷാകര്തൃ-പോലീസ്-അധ്യാപക-പൊതുജന സംരംഭങ്ങള് ഉണ്ടാകുകയും മുഖ്യമന്ത്രി തന്നെ മേല്നോട്ടം വഹിക്കുകയും വേണമെന്നും സുരേഷ്ഗോപി പറഞ്ഞു.
കൗണ്സിലര് രാവുണ്ണി, സ്കൂള് പ്രിന്സിപ്പാള് കല്യാണി ബാലകൃഷ്ണന്, കലോത്സവ ജനറല് കണ്വീനര് സി.മുഹമ്മദ് റഷീദ്, ഡോ. ജി.മുകുന്ദന്, സതീഷ് മേനോന്, ജി.രാജേഷ്, ഡോ.ദിനേഷ് ബാബു, ഷൈന് കരുണാകരന് എന്നിവര് ചടങ്ങില് സംബന്ധിച്ചു.
