കൊട്ടാരക്കര: സിന്ഡിക്കേറ്റ് ബാങ്കിന്റെ കൊട്ടാരക്കര പുലമണ് ശാഖയില് നിന്നും പുക ഉയര്ന്നു. ഇന്നലെ വൈകിട്ട് അഞ്ചേമുക്കാലോടെയാണ് സംഭവം. ബാങ്ക് അവധി ആയതിനാല് ജീവനക്കാരാരും ഉണ്ടായിരുന്നില്ല. കൊട്ടാരക്കരയില് താമസിക്കുന്ന ബാങ്ക് മാനേജര് അതു വഴി വന്നപ്പോഴാണ് ബാങ്കില് നിന്നും പുക ഉയരുന്നത് കണ്ടത്. ഉടന് തന്നെ കൊട്ടാരക്കരയിലെ അഗ്നിശമന സേനാ വിഭാഗത്തില് വിവരം അറിയിച്ചു. അഗ്നിശമന സേന എത്തി ജനാലകളും ഷട്ടറും തകര്ത്ത് അകത്ത് കയറി ബാങ്കിന്റെ അഗ്നി ശമനത്തിനുള്ള യന്ത്രം ഉപയോഗിച്ച് പുക കെടുത്തി. ബാങ്കിലെ കംപ്യൂട്ടര് സെര്വര് മുറിയിലെ നെറ്റ്വര്ക്ക് റൂട്ടര് പുകഞ്ഞതാണ് പുക ഉയരാന് കാരണമെന്ന് പോലീസ് പറഞ്ഞു. ബാങ്കിലെ മറ്റു വസ്തുക്കള്ക്കൊന്നും കേടുപാടുകളില്ല. ഈ ബാങ്കിന്റെ മുകളിലത്തെ നിലയില് സഹകരണ കാര്ഷിക ഗ്രാമവികസന ബാങ്ക് പ്രവര്ത്തിക്കുന്നുണ്ട്. തീ കത്തിയിരുന്നെങ്കില് വന് അപകടം ഉണ്ടാകുമായിരുന്നു. സംഭവം അറിഞ്ഞ് സഹകരണ ബാങ്ക് ജീവനക്കാര് എത്തി ബാങ്കിലെ വൈദ്യുതി അണച്ച് സുരക്ഷ ഉറപ്പ് വരുത്തി.
ബാങ്ക് ശാഖയില് നിന്ന് പുക; പരിഭ്രാന്തി പരത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.