പത്തനംതിട്ട: കോന്നി നിയോജകമണ്ഡലത്തില് അര്ഹരായ ഭൂരഹിതര്ക്ക് ഭൂമിനല്കണമെന്നാവശ്യപ്പെട്ട് പ്രക്ഷോഭ പരിപാടികള്ക്ക് ബിജെപി നേതൃത്വം നല്കുമെന്ന് കെ. ആര് പ്രതാപചന്ദ്രവര്മ പറഞ്ഞു. ജനരക്ഷാ യാത്രയ്ക്ക് സ്വീകരണം നല്കികൊണ്ട് പത്തനംതിട്ടയില് നടന്ന സമ്മേളനത്തില് ആമുഖ പ്രഭാഷണം നടത്തുകയായിരുന്നു അദ്ദേഹം. ഉമ്മന്ചാണ്ടി സര്ക്കാരില് റവന്യൂ മന്ത്രി ആയിരുന്ന അടൂര് പ്രകാശ് പാവപ്പെട്ടവര്ക്ക് പട്ടയം നല്കി കബളിപ്പികുകയായിരുന്നു. ജനങ്ങളെ സംഘടിപ്പിച്ച് ബിജെപി ഉടന്തന്നെ സമരപിപാടികള് സംഘടിപ്പിക്കും. കേന്ദ്ര സര്ക്കാരിന്റെ പദ്ധതികളെ രൂപം മാറ്റി നടപ്പാക്കുകയാണ് പിണറായി സര്ക്കാര് ചെയ്യുന്നത്. തൊഴിലുറപ്പ് പദ്ധതിക്കായി കേന്ദ്രം അനുവദിച്ച ഫണ്ട് സംസ്ഥാന സര്ക്കാര് വകമാറ്റി ചിലവഴിച്ചു. ഇതിനു പുറമെ വ്യക്തമായ കണക്കുകള് കേന്ദ്രത്തിനു നല്കാനും സര്ക്കാര് തയ്യാറായില്ല. ഈ സാഹചര്യത്തിലാണ് തൊഴിലുറപ്പ് പദ്ധതിയുടെ തുക നല്കാന് കേന്ദ്ര സര്ക്കാര് വിസമ്മതിച്ചത്. വ്യവസ്ഥാപിതമായ രീതിയില് വിനിയോഗിച്ച തുയുടെ കണക്കുകള് നല്കുന്നതിനു പകരം ജനങ്ങളെ തെറ്റിധരിപ്പിക്കാനാണ് ഇടതുമുന്നണിയും സര്ക്കാരം ശ്രമിച്ചത്. തൊഴിലുറപ്പ് തൊഴിലാളികളെ തെറ്റിധരിപ്പിച്ച് സമരം സംഘടിപ്പിച്ച് രാഷ്ട്രീയ മുതലെടുപ്പിനാണ് സിപിഎം ശ്രമിച്ചത്. സിപിഎം തകര്ക്കാന് ശ്രമിച്ചപ്പോളൊക്കെ കൂടുതല് ശക്തതിയോടെ വളര്ന്ന ചരിത്രമാണ് ബിജെപിക്കുള്ളത്. ഏറെ വെല്ലുവിളികള് നേരിട്ടാണ് ഇന്നത്തെ നിലയിലേക്ക് ബിജെപി എത്തിച്ചേര്ന്നത്. കേരളത്തില് സിപിഎം നേതൃത്വം അണികളെ നിയന്ത്രിച്ചില്ലെങ്കില് ശക്തമായ തിരിച്ചടി നേരിടേണ്ടിവരുമെന്നും അദ്ദേഹം പറഞ്ഞു.
ഭൂരഹിതര്ക്ക് ഭൂമി നല്കാന് ബിജെപി പ്രക്ഷോഭം നടത്തും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.