കൊടുങ്ങല്ലൂര്: ഡി വൈ എഫ് ഐ പ്രവര്ത്തകര് തമ്മിലേറ്റുമുട്ടി യുവാവ് കുത്തേറ്റു മരിച്ച സംഭവത്തില് ഒമ്പതു പേര് കസ്റ്റഡിയിലായതായി സൂചന. ശ്രീ നാരായണപുരം എ കെ ജി വായനശാലയ്ക്കു സമീപം ബുധനാഴ്ച രാത്രിയുണ്ടായ സംഘട്ടനത്തില് ശൃംഗപുരം ആളം പറമ്പില് മുഹമ്മദ് സിയാദ് (26) ആണ് മരിച്ചത്. സിയാദും സംഘവും സഞ്ചരിച്ച കാര് തടഞ്ഞാണ് കൊല നടത്തിയത്.
കാറിലുണ്ടായിരുന്ന സ്മിനേഷ്.ധനഞ്ജയന്, എന്നിവര്ക്കും പരിക്കേറ്റിരുന്നു. ഡിവൈഎഫ്ഐക്കാര് തമ്മിലേറ്റുമുട്ടിയ പ്രദേശം സി പി എം ശക്തികേന്ദ്രമാണ്.
കേസിലെ പ്രതികളായ ഒമ്പതുപേര് പോലിസ് കസ്റ്റഡിയിലായതായി സൂചനയുണ്ട്. മതിലകം പോലിസ് സ്റ്റേഷനില് ആറു പേരും കൊടുങ്ങല്ലൂരില് രണ്ടും കാട്ടുരില് ഒരാളുമുള്പ്പെടെ കസ്റ്റഡിയിലുള്ളവരെല്ലാം ഡിവൈഎഫ്ഐ പ്രവര്ത്തകരാണെന്നാണ് സൂചന. കൊലപാതകത്തിനു ശേഷം ഇവര്ക്ക് രക്ഷപ്പെടാന് സി പി എം നേതൃത്വം വേണ്ട സഹായങ്ങള് നല്കിയിരുന്നു. കസ്റ്റഡിയിലായവര് അല്ലാതെ അഞ്ചോളം പ്രതികള് കൂടിയുള്ളതായും സൂചനയുണ്ട്. ഇരിങ്ങാലക്കുട ഡിവൈഎസ്പി ഫേമസ് വര്ഗ്ഗീസിന്റേയും കൊടുങ്ങല്ലൂര് സി ഐ പി.സി.ബിജു കുമാറിന്റേയും നേതൃത്വത്തിലുള്ള സംഘമാണ് കേസന്വേഷണം നടത്തുന്നത്.
