മണ്ണാര്‍ക്കാട്:ഡ്രൈവിംഗ് സ്‌കൂളിലെ പന്ത്രണ്ടോളം ഇരുചക്രവാഹനങ്ങള്‍ നശിപ്പിച്ച നിലയില്‍. ഇരുചക്ര വാഹനങ്ങള്‍ നിര്‍ത്തിയിട്ടിരുന്ന ഷെഡിന്റെ പൂട്ട് തകര്‍ത്താണ് നശിപ്പിച്ചിരിക്കുന്നത്.
പുഞ്ചക്കോട് സ്വകാര്യ വ്യക്തിയുടെ പറമ്പിലാണ് ഡ്രവിങ് ടെസ്റ്റ് നടത്തുന്നത് . കഴിഞ്ഞദിവസം പരിശിലനത്തിന് ശേഷം വാഹനങ്ങള്‍ ഷെഡില്‍ കയറ്റി പൂട്ടിയിരുന്നു. ഓണാവധി കഴിഞ്ഞ് ഇന്നലെ പരിശീലനത്തിനായി എത്തിയപ്പോഴാണ് വാതിലിന്റെ പൂട്ട് തകര്‍ത്ത നിലയില്‍ കാണപ്പെട്ടത്.
വാഹനങ്ങളുടെ പെട്രോള്‍ ടാങ്ക് കാമ്പിപ്പാരകൊണ്ട് തുളച്ച രീതിയിലാണ്.റൗഫി,വിശ്വം,ഭാരത്,പോപ്പുലര്‍,സഞ്ചാരി എന്നീ ഡ്രൈവിംഗ് സ്‌കൂളുകളുടെ വാഹനങ്ങളാണ് തകര്‍ത്തത്.ഒരു കാറിന്റെ ചില്ലും നശിപ്പിച്ചിട്ടുണ്ട്.
മോഷണശ്രമമല്ലെന്നാണ് പോലീസിന്റെ നിഗമനം.
അജിത്,ഷാഫി എന്നിവരുടെ പരാതിയിന്മേല്‍ മണ്ണാര്‍ക്കാട് പോലീസ് കേസെടുത്തു.
പ്രതികരിക്കാൻ ഇവിടെ എഴുതുക: