ഒറ്റപ്പാലം:അനങ്ങനടിഹയര്‍ സെക്കന്‍ഡറി സ്‌കൂളില്‍ നടക്കുന്നഎന്‍സിസി ഒറ്റപ്പാലം 28 കേരള ബറ്റാലിയന്റെ ദശദിനക്യാമ്പ് പത്തിന് സമാപിക്കും.
പാലക്കാട്,മലപ്പുറം ജില്ലകളിലെ കോളേജുകളില്‍നിന്നും സ്‌കൂളുകളില്‍നിന്നുമായി അറുനൂറൂറോളം കേഡറ്റുകളാണ് പങ്കെടുക്കുന്നത്.കമാന്‍ഡിങ്ഓഫീസര്‍ കേണല്‍ എ.പരമേശ്വരന്‍ ക്യാമ്പ് ഉദ്ഘാടനംചെയ്തു.
എന്‍സിസി ഓഫീസര്‍മാരായ ഷര്‍ഫുദീന്‍,സെയ്തലവി, ജിംപോള്‍,രാജേഷ്, ജിമ്മിച്ചന്‍ സി.മാത്യു,സുബേദാര്‍ മേജര്‍ ജസ്വന്ത്‌സിങ്, സുബേദാര്‍ ശ്രീകുമാര്‍ എന്നിവരുടെ നേതൃത്വത്തിലാണ് ക്യാമ്പ്.
സൈനികപരിശീലനങ്ങള്‍ക്കുപുറമെ ഫയര്‍ ആന്‍ഡ് റസ്‌ക്യു, ട്രാഫിക് ബോധവത്കരണം,സ്ത്രീശാക്തീകരണം, വ്യക്തിത്വവികസനം,സൈബര്‍ കുറ്റകൃത്യങ്ങള്‍,മയക്കുമരുന്നുകള്‍ക്കെതിരെയുള്ള ബോധവത്കരണം,ആരോഗ്യശുചിത്വ ക്ലാസുകള്‍ തുടങ്ങിയ വിഷയങ്ങളില്‍ ബോധവത്കരണവും പരിശീലനവും നടക്കുന്നുണ്ട്.
പ്രതികരിക്കാൻ ഇവിടെ എഴുതുക: