കുറ്റിയാടി: കുറ്റിയാടി ടൗണിലെ രൂക്ഷമായ ഗതാഗതക്കുരുക്കിന് പരിഹാരം കാണാന് സമഗ്ര രൂപരേഖ തയ്യാറാക്കി. ഇതിന്റെ അടിസ്ഥാനത്തില് വടകര റോഡില് ഫോറസ്റ്റ് ഓഫീസ് വരെയും തൊട്ടില്പ്പാലം റോഡില് കയറ്റം വരെയും മരുതോങ്കര റോഡില് ചന്തവയല് വരെയും പേരാമ്പ്ര റോഡില് ഊരത്ത് റോഡ് വരെയും ഇരുചക്രവാഹനങ്ങളുള്പ്പെടെയുള്ള എല്ലാവിധ അനധികൃത പാര്ക്കിങ്ങും നിരോധിക്കാന് തീരുമാനമായി. ടൗണില് ആവശ്യമായ സ്ഥലങ്ങളിലെല്ലാം നോ പാര്ക്കിങ്ങ് ബോര്ഡുകള് സ്ഥാപിക്കും. പൊതുസ്ഥലത്ത് ട്രാഫിക് തടസ്സമുണ്ടാക്കുന്ന തരത്തില് ബോര്ഡുകളും ബാനറുകളും സ്ഥാപിക്കാന് പാടില്ലെന്ന് തീരുമാനമായി. പഴയസ്റ്റാന്റില് അനധികൃത പാര്ക്കിങ്ങ് ക്രമീകരണം ഏര്പ്പെടുത്തും. സ്റ്റാന്റില് നിന്നും പുറപ്പെടുന്ന ബസ്സുകള് അനുവദിച്ച സ്റ്റോപ്പുകളില് മാത്രം നിര്ത്തി ആളെ ഇറക്കുകയും കയറ്റുകയും ചെയ്യണം. റോഡോരങ്ങളില് കൈവരികള് സ്ഥാപിക്കുന്നതിനും ആവശ്യമായ സ്ഥലങ്ങളില് സീബ്രാലൈനുകള് സ്ഥാപിക്കുന്നതിനും പൊട്ടിപ്പൊളിഞ്ഞ റോഡുകളുടെ ശോചനീയാവസ്ഥ പരിഹരിക്കാനും പിഡബ്ല്യുഡിക്ക് നിര്ദ്ദേശം നല്കും. കുറ്റിയാടി പഞ്ചായത്ത് ഹാളില് ചേര്ന്ന യോഗത്തില് കുറ്റിയാടി സി.ഐ. സുനില്കുമാര് അദ്ധ്യക്ഷത വഹിച്ചു. പഞ്ചായത്ത് പ്രസിഡന്റ് സി.എന്. ബാലകൃഷ്ണന്, മറ്റ് ജനപ്രതിനിധികള്, യൂണിയന് ഭാരവാഹികള്, വ്യാപാരി സംഘടന പ്രതിനിധികള്, ഡ്രൈവര്മാര്, തുടങ്ങിയവര് പങ്കെടുത്തു.
കുറ്റിയാടിയിലെ ഗതാഗത പരിഷ്കരണത്തിന് രൂപരേഖ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.