കൊച്ചി: മാരകായുധങ്ങള്‍കൊണ്ട് ആക്രമിച്ച് കവര്‍ച്ച നടത്തിയ ആറംഗ സംഘത്തെ അറസ്റ്റ് ചെയ്തു. പാലക്കാട് യാക്കര സ്വദേശിയായ യുവാവിനെയും സുഹൃത്തുക്കളെയും ആക്രമിച്ച് പണവും മൊബൈല്‍ ഫോണുകളും കവര്‍ച്ച ചെയ്ത വടുതല പാമ്പാടി ആദില്‍, കടവന്ത്ര സ്വദേശികളായ രാഹുല്‍, മിലന്‍, സനല്‍, ദേവകുമാര്‍, സനീര്‍ എന്നിവരാണ് അറസ്റ്റിലായത്.
കലൂര്‍ മെട്രോസ്‌റ്റേഷന് സമീപമുള്ള വിനായക ലോഡ്ജില്‍ താമസിച്ച അഭിനന്ദിന്റെ സുഹൃത്തുക്കളായ ബോസില്‍, ദിലീപ് എന്നിവരുടെ മൊബൈല്‍ േഫാണുകള്‍ ബലമായി കവര്‍ച്ച നടത്തിയശേഷം അഭിനന്ദിനെ ഫോണ്‍ തിരികെ കൊടുക്കാമെന്ന് പറഞ്ഞ് തമ്മനം റെയില്‍വേ മാര്‍ഷലിംഗ് യാര്‍ഡില്‍ കൊണ്ടുപോയി അക്രമിച്ച് പരിക്കേല്‍പ്പിക്കുകയായിരുന്നു. അഭിനന്ദിന്റെ കൈവശമുണ്ടായിരുന്ന 2000 രൂപയും ബാങ്ക് അക്കൗണ്ടില്‍നിന്ന് 5,000 രൂപയും കൈവശപ്പെടുത്തി. അഭിനന്ദ് നോര്‍ത്ത് പോലീസില്‍ പരാതി പറഞ്ഞതിന്റെ അടിസ്ഥാനത്തില്‍ നോര്‍ത്ത് എസ്‌ഐ വിബിന്‍ദാസ് കേസ് രജിസ്റ്റര്‍ ചെയ്യുകയായിരുന്നു.
പിടിയിലായവര്‍ നിരവധി പിടിച്ചുപറി മോഷണകേസുകലിലെ പ്രതികളാണ്. എറണാകുളം നോര്‍ത്ത് സിഐ കെ.ജെ. പീറ്ററിന്റെ നേതൃത്വത്തില്‍ എസ്‌ഐ വിബിന്‍ദാസ്, അസി. എസ്‌ഐമാരായ ബോസ്, മോഹനന്‍, സീനിയര്‍ സിവില്‍ പോലീസ് ഓഫീസര്‍മാരായ സന്തോഷ്, വിനോദ്കൃഷണന്‍ എന്നിവരാണ് പ്രതികളെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: