നെടുമ്പാശ്ശേരി: ജില്ലാ കളക്ടര്‍ മുഹമ്മദ് വൈ.സഫറുള്ള നെടുമ്പാശ്ശേരിയിലെ ഹജ്ജ് ക്യാമ്പ് ഒരുക്കുന്ന എയര്‍ക്രാഫ്റ്റ് മെയിന്റനന്‍സ് ഹാങ്കര്‍ സന്ദര്‍ശിച്ചു. ക്യാമ്പിന്റെ ഒരുക്കങ്ങള്‍ അദ്ദേഹം വിലയിരുത്തി. തീര്‍ത്ഥാടകര്‍ക്ക് താമസിക്കാനുള്ള സൗകര്യം, ക്യാന്റീന്‍, ഹജ്ജ് കമ്മിറ്റി ഓഫീസ്, സമസ്‌കരിക്കാനുള്ള സൗകര്യം, മെഡിക്കല്‍ വിഭാഗം തുടങ്ങിയ സ്ഥലങ്ങള്‍ സന്ദര്‍ശിച്ചു.
ഹജ്ജ് ക്യാമ്പിന്റെ ചുമതലയുള്ള സിയാല്‍ എക്‌സി.ഡയറകടര്‍ എ.എം. ഷബീര്‍, ഹജ്ജ് കമ്മിറ്റി കോ ഓര്‍ഡിനേറ്റര്‍ എന്‍.പി. ഷാജഹാന്‍ എന്നിവര്‍ ഒരുക്കങ്ങള്‍ വിശദീകരിച്ചു. മുന്‍ വര്‍ഷങ്ങളെ അപേക്ഷിച്ച് ഈ വര്‍ഷം കൂടുതല്‍ തീര്‍ത്ഥാടകര്‍ എത്തുന്നതിനാല്‍ ക്രമീകരണങ്ങള്‍ കുറ്റമറ്റതായിരിക്കണമെന്ന് ബന്ധപ്പെട്ടവര്‍ക്ക് അദ്ദേഹം നിര്‍ദ്ദേശം നല്‍കി. അസി. കളക്ടര്‍ ഈശ പ്രിയ ഒപ്പം ഉണ്ടാകും.
പ്രതികരിക്കാൻ ഇവിടെ എഴുതുക: