കൊച്ചി: എറണാകുളം ജില്ലാ സെക്രട്ടറി പി.രാജുവിനോട് സിപിഐ വിശദീകരണം തേടി. മുഖ്യമന്ത്രി പിണറായി വിജയനെതിരെ നടത്തിയ പരാമര്‍ശമാണ് വിശദീകരണത്തിന് ആധാരം. ഇടയ്‌ക്കിടെ പേടിച്ച് പനി വരുന്ന ആളാണ് മുഖ്യമന്ത്രിയെന്നാണ് രാജു നടത്തിയ പരാമര്‍ശം.
ഏത് സാഹചര്യത്തിലാണ് മുഖ്യമന്ത്രിക്കെതിരെ പരാമര്‍ശം നടത്തിയതെന്ന് വിശദീകരിക്കാനാണ് സിപിഐ ആവശ്യപ്പെട്ടിരിക്കുന്നത്. ശ്രീകാര്യത്തെ ആർഎസ്എസ് കാര്യവാഹ് രാജേഷിന്റെ കൊലപാതകവുമായി ബന്ധപ്പെട്ട് മുഖ്യമന്ത്രിയെ ഗവർണർ വിളിപ്പിച്ചതുമായി ബന്ധപ്പെട്ട് വിവാദങ്ങൾക്കിടയാണ് രൂക്ഷ വിമർശനവുമായി സിപിഐ ജില്ലാ സെക്രട്ടറി രംഗത്തെത്തിയത്.
മന്ദബുദ്ധികളായ ചിലര്‍ മുഖ്യമന്ത്രിയുടെ ഉപദേശകരായി കൂടിയിട്ടുണ്ടെന്നും അവരുടെ ഉപദേശം കിട്ടിയാൽ കേരളം തകരുമെന്നും പി. രാജു പറഞ്ഞിരുന്നു.
പ്രതികരിക്കാൻ ഇവിടെ എഴുതുക: