തിരുവനന്തപുരം: ജിഎസ്ടി നിയമപ്രകാരം വ്യാപാരികള്‍ സമര്‍പ്പിക്കേണ്ട ജിഎസ്റ്റിആര്‍-1 റിട്ടേണ്‍ തയ്യാറാക്കാനുള്ള ഓഫ്‌ലൈന്‍ സംവിധാനം വ്യാപാരികള്‍ക്ക് ലഭ്യമായി തുടങ്ങിയതായി സംസ്ഥാന ചരക്ക് സേവന നികുതി വകുപ്പ് അറിയിച്ചു.
റിട്ടേണ്‍ തയ്യാറാക്കാനുള്ള ഓഫ്‌ലൈന്‍ സംവിധാനം www.gst.gov.inse ഹോം പേജിലെ ഡൗണ്‍ലോഡ് ലിങ്കില്‍ വ്യാപാരികള്‍ക്ക് ലഭ്യമാണ്. ഓഫ്‌ലൈന്‍ സംവിധാനം ഇന്‍സ്റ്റാള്‍ ചെയ്യാം. റിട്ടേണ്‍ തയ്യാറാക്കാനുള്ള സാങ്കേതിക വിവരങ്ങള്‍ വെബ്‌സൈറ്റില്‍ തന്നെ നല്‍കിയിട്ടുണ്ട്. ഓഫ്‌ലൈന്‍ സംവിധാനത്തില്‍ വ്യപരികള്‍ക്ക് ഒറ്റത്തവണ 19,000 ഇന്‍വോയ്‌സ് വിവരങ്ങള്‍ വരെ ഉള്‍പ്പെടുത്താന്‍ കഴിയും.
ജൂലൈ, ആഗസ്റ്റ് മാസങ്ങളിലെ റിട്ടേണ്‍ വ്യാപാരികള്‍ യഥാക്രമം സപ്തംബര്‍ അഞ്ച്, 20 തീയതികള്‍ക്ക് മുന്‍പായി സമര്‍പ്പിക്കണം. മുന്‍കൂട്ടി റിട്ടേണ്‍ തയ്യാറാക്കുന്നതിലൂടെ അവസാന ദിവസം ഉണ്ടാകുന്ന തിരക്ക് ഒഴിവാക്കാനാകും. റിട്ടേണ്‍ സമര്‍പ്പിക്കുന്നതിലെ സാങ്കേതിക വശങ്ങള്‍ വ്യാപാരികള്‍ക്ക് മുന്‍കൂട്ടി പഠിക്കാനും സാധിക്കും.
ജൂലൈ, ആഗസ്റ്റ് മാസങ്ങളില്‍ വ്യാപാരികള്‍ സമര്‍പ്പിക്കേണ്ട താത്ക്കാലിക ജിഎസ്റ്റിആര്‍-3ബി റിട്ടേണ്‍ യഥാക്രമം ആഗസ്റ്റ് 20നുനും സപ്തംബര്‍ 20നുനും മുന്‍പായി സമര്‍പ്പിക്കണമെന്ന് സംസ്ഥാന ചരക്ക് സേവന നികുതി വകുപ്പ് അറിയിച്ചു.
പ്രതികരിക്കാൻ ഇവിടെ എഴുതുക: