കൊച്ചി: ഗൂഗിളിന്റെ ഇന്ത്യയിലെ വിദഗ്ധ സംഘം ഇന്ന് കൊച്ചിയിലെത്തും. കേരള സ്റ്റാര്‍ട്ടപ്പ് മിഷനു (കെഎസ്യുഎം) കീഴിലുള്ള തിരഞ്ഞെടുക്കപ്പെട്ട സ്റ്റാര്‍ട്ടപ്പുകള്‍ക്ക് മാര്‍ഗ്ഗനിര്‍ദ്ദേശങ്ങളും പരിശീലനവും നല്‍കാനാണ് സംഘമെത്തുന്നത്.
കളമശ്ശേരിയിലെ കെഎസ്യുഎം ക്യാമ്പസില്‍ലാണ് പരിശീലനം. ഇതോടൊപ്പം ഗൂഗിള്‍ ഡെവലപ്പേഴ്സ് സോള്‍വ് ഫോര്‍ ഇന്ത്യ എന്ന സംരംഭത്തിന് നാളെ കൊച്ചി മാരിയറ്റ് ഹോട്ടലില്‍ തുടക്കമാകും. ഗൂഗിള്‍ സാങ്കേതിക വിദ്യയിലെ പുതിയ ചലനങ്ങള്‍ പരിചയപ്പെടുത്തുക, ഡവലപ്പര്‍മാര്‍ക്കും സ്റ്റാര്‍ട്ടപ്പുകള്‍ക്കും വിപണിയെ നയിക്കുന്നവര്‍ക്കും പുതിയ സാധ്യതകള്‍ തുറന്നിടുക തുടങ്ങിയവയ്‌ക്കുള്ള സംവാദാധിഷ്ഠിത സമ്മേളനമാണ് സോള്‍വ്‌ഫോര്‍ ഇന്ത്യ.
സമ്മേളനത്തില്‍ പങ്കാളികളാകുന്നവര്‍ക്ക് നൂതന സാങ്കേതിക വിദ്യകളുടെ പശ്ചാത്തലത്തില്‍ പുത്തന്‍ ആശയങ്ങള്‍ പങ്കുവയ്‌ക്കാന്‍ അവസരം ലഭിക്കും.
അത്യാധുനിക മൊബൈല്‍, വെബ്, ക്ലൗഡ് സംവിധാനങ്ങളും ഡിജിറ്റല്‍ പഠന സംവിധാനങ്ങളും തയാറാക്കാന്‍ പ്രോല്‍സാഹനവും മാര്‍ഗനിര്‍ദേശവും ലഭിക്കും.
പ്രതികരിക്കാൻ ഇവിടെ എഴുതുക: