കൊച്ചി: ആക്രിസാധനങ്ങള്‍ പെറുക്കുന്ന തമിഴ്‌നാട് സ്വദേശി ഒന്നര കിലോ കഞ്ചാവുമായി പിടിയില്‍. രാജപാളയം സ്വദേശി കറുപ്പുസ്വാമി (38) യെയാണ് എറണാകുളം നോര്‍ത്ത് പോലീസ് അറസ്റ്റ് ചെയ്തത്.
ഓപ്പറേഷന്‍ മണ്‍സൂണിന്റെ ഭാഗമായി സിറ്റി ടാസ്‌ക് ഫോഴ്സും നോര്‍ത്ത് പോലീസും ചേര്‍ന്നാണ് അറസ്റ്റ് ചെയ്തത്. കഴിഞ്ഞ ദിവസം കഞ്ചാവുമായി പിടികൂടിയവരെ ചോദ്യം ചെയ്തതില്‍ നിന്ന് കറുപ്പുസ്വാമി ആണ് നോര്‍ത്ത് റെയില്‍വേ സ്റ്റേഷനിലും പാലത്തിനടിയിലും വിദ്യാര്‍ഥികള്‍ക്കും യുവാക്കള്‍ക്കും കഞ്ചാവ് വില്‍ക്കുന്നതെന്ന വിവരം കിട്ടിയത്.
കൂട്ടാളിയായ തമിഴ്‌നാട് സ്വദേശിക്ക് കഞ്ചാവ് വില്‍ക്കുന്നതിനായി വന്നപ്പോഴാണ് പിടിയിലായത്. നോര്‍ത്ത് സിഐ കെ.ജെ. പീറ്റര്‍., എസ്‌ഐ വിബിന്‍ ദാസ്, സീനിയര്‍ സിപിഓമാരായ റോയ്മോന്‍, റഫീഖ്, സന്തോഷ്‌കുമാര്‍, ടാസ്‌ക്ഫോഴ്സ് അംഗങ്ങളായ എഎസ്‌ഐ ബോസ്, അടക മോഹനന്‍, സീനിയര്‍ സിപിഓമാരായ വിനോദ്കൃഷ്ണ, രാജേഷ് എന്നിവര്‍ ചേര്‍ന്നാണ് അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: