പാലക്കാട്: തുല്യജോലിക്ക് തുല്യവേതനം ഉറപ്പുവരുത്തുവാന് സംസ്ഥാന സര്ക്കാര് പുതിയ തൊഴില് നയം പ്രഖ്യാപിക്കണമെന്ന് ബിഎംഎസ് സംസ്ഥാന വൈസ്.പ്രസിഡന്റ് അഡ്വ.ആശാമോള് ആവശ്യപ്പെട്ടു. ബിഎംഎസ് ജില്ലാ കമ്മറ്റിയുടെ ആഭിമുഖ്യത്തില് സഹകരണ ആശുപത്രിയിലെ സമരം ഒത്തുതീര്പ്പാക്കാന് കളക്ടര് മുന്കൈയെടുക്കണമെന്നാവശ്യപ്പെട്ട് നടത്തിയ മഹിളാ മാര്ച്ച് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
തൊഴില് നിയമം കാറ്റില് പറത്തിക്കൊണ്ട് അധികജോലിഭാരം അടിച്ചേല്പ്പിച്ച് മിനിമം വേതനം പോലും നല്കാത്ത സഹ.ആശുപത്രി അധികൃതരുടെ നിലപാട് അംഗീകരിക്കാന് കഴിയില്ലെന്നും അവര് വ്യക്തമാക്കി.
സംസ്ഥാനം ഭരിക്കുന്നത് ഇടതുപക്ഷമായതുകൊണ്ട് തൊഴിലാളികള് നേരിടുന്ന പ്രശ്നങ്ങള് സിഐടിയു കണ്ടില്ലെന്ന് നടിക്കുന്നത് അപമാനകരണമാണ്. തൊഴിലാളികള്ക്കുവേണ്ടി ഏതറ്റംവരെ സമരം ചെയ്യുവാനും അവകാശം നേടിയെടുക്കുവാനും ബിഎംഎസ് ഉണ്ടാവുമെന്നും അവര് ഉറപ്പു നല്കി.
ബിഎംഎസ് ജില്ലാ സമിതി അംഗം സുനിത അധ്യക്ഷതവഹിച്ചു. ജില്ലാ പ്രസിഡന്റ് ടി.എം.നാരായണന്, ജില്ലാ സെക്രട്ടറി സി.ബാലചന്ദ്രന്,ഭാരവാഹികളായ എസ്.രാജേന്ദ്രന്, കെ.സുധാകരന്, കെ.വി.ചന്ദ്രന്, വി.ശിവദാസന്, വി.മാധവന്, കെ.ആര്.രാജന്, പി.സുന്ദരന് നേതൃത്വം നല്കി.
