പാലക്കാട്: അകത്തേത്തറ ധോണിയില് ബിജെപി പഞ്ചായത്ത് കമ്മിറ്റി അംഗം രാമചന്ദ്രനെ വീടുകയറി അക്രമിച്ച സിപിഎം നടപടിയില് വ്യാപക പ്രതിഷേധം.
കഴിഞ്ഞദിവസം രാത്രിയാണ് 25-ഓളം സിപിഎം പ്രവര്ത്തകര് രാമചന്ദ്രനെ വീടുകയറി മര്ദ്ദിച്ചത്. ബിജെപി ജില്ലാ പ്രസിഡന്റ് അഡ്വ. ഇ.കൃഷ്ണദാസിന്റെ നേതൃത്വത്തിലുളള നേതാക്കള് രാമചന്ദ്രന്റെ വീട് സന്ദര്ശിച്ചു.
ധോണി മേഖലയില് സാമാധാനന്തരീക്ഷം തകര്ക്കാനുളള സിപിഎമ്മിന്റെ ഗൂഢശ്രമമാണ് അക്രമത്തിനു പിന്നിലെന്ന് ബിജെപി ജില്ലാ പ്രസിഡന്റ് അഡ്വ.ഇ.കൃഷ്ണദാസ് ആരോപിച്ചു. ബിജെപി മലമ്പുഴ മണ്ഡലം പ്രസിഡന്റ് എന്.ഷണ്മുഖന്, ആര്എസ്എസ് മലമ്പുഴ ഖണ്ഡ് സഹ സംഘചാലക് എം. രാമചന്ദന്, ഡി.വി. കൃഷ്ണപ്രസാദ്, മധു, മണ്ഡലം സെക്രട്ടറി ശിവദാസ്, ഷിജു, സ്വാമിനാഥന്, ഉണ്ണികൃഷ്ണന് എന്നിവരും ജില്ലാ പ്രസിഡന്റിനൊപ്പം ഉണ്ടായിരുന്നു.
