ദിലീപിനു നേരെ മറുകുന്നത് വേറേയും കുരുക്കുകള്‍. ഭൂമികയ്യേറ്റത്തിന്റെ പേരിലാണ് പുതിയ കുരുക്കുകള്‍ മുറുകുന്നത്. ചാലക്കുടിയില്‍ ഡി സിനിമാസിന്റെ പേരിലും കുമരകത്തു മറ്റൊരു കയ്യേറ്റവുമായി പുതിയ രണ്ടു കേസുകള്‍കൂടി ദിലീപിന്റെ പേരിലായി. എഠുക്കലും മറിച്ചു വില്‍ക്കലുമായി വന്‍ റിയല്‍ എസ്റ്റേറ്റു ബിസിനസുള്ള ദിലീപിന്റെ പേരില്‍ ഇനിയും ഇത്തരം കുരുക്കുകള്‍ വരാം എന്നാണ് സൂചനകള്‍. പലതും കയ്യേറിയിട്ടുള്ളതു ഗുണ്ടാഭീഷണി ഉപയോഗിച്ചാണ്.
ഇക്കണക്കിനുപോയാല്‍ മലയാള സിനിമയിലെ വന്‍താരങ്ങളടക്കം കയ്യേറ്റത്തിന്റെ പേരില്‍ കുരുക്കിലാകുമെന്നാണ് സൂചന. ഇവരില്‍ ചിലരുടെ പേരില്‍ നേരത്തെ തന്നെ വലിയ ആരോപണം ഉയര്‍ന്നിരുന്നു. എന്നാല്‍ സ്വാധീനത്താല്‍ ഒതുക്കുകയായിരുന്നു. ഇങ്ങനെ ഭൂമി കയ്യേറിയ രണ്ടു പ്രമുഖ താരങ്ങളെക്കുറിച്ചും അതിനെക്കുറിച്ചു അന്വേഷിക്കണമെന്നും ഒരു പ്രമുഖ രാഷ്‌ട്രീയ പാര്‍ട്ടിയുടെ ഉത്തരവാദിത്തപ്പെട്ട നേതാവ് പ്രസ്താവന നടത്തിയിരുന്നു. താരാരാധനയുടെ മറവില്‍ ഇവര്‍ ക്രിമിനല്‍ സ്വഭാവത്തിലൂടെയാണ് ഭൂമികയ്യേറിയിട്ടുള്ളതെന്നാണ് നേരത്തെ പുറത്തു വന്നിട്ടുള്ള റിപ്പോര്‍ട്ടുകള്‍.
ശരിയായരീതിയില്‍ അന്വേഷണം ഉണ്ടാവുകയാണെങ്കില്‍ ഭൂമിക്കച്ചവടമുള്ള പല സിനിമാക്കാരുടേയും നില പരുങ്ങലിലാകുമെന്നാണ് പറയപ്പെടുന്നത്. സിനിമാക്കാരാണെന്ന പേരില്‍ എന്തും ചെയ്യാമെന്നുള്ളതിന്റെ ഹുങ്കാണ് ഇത്തരക്കാര്‍ കാണിക്കുന്നത്. സിനിമാക്കാര്‍ ഒരു തരത്തിലും പ്രത്യേക അധികാരങ്ങളോ ആനുകൂല്യങ്ങളോ അവകാശപ്പെട്ടവരല്ല. പൊതുസമൂഹത്തെക്കാള്‍ എന്തു വ്യത്യാസമാണ് അവര്‍ക്കുള്ളതെന്നാണ് ചോദ്യമുയരുന്നത്.
പ്രതികരിക്കാൻ ഇവിടെ എഴുതുക: