ഉപ്പള: നിരവധി വിദ്യാര്‍ത്ഥികളും നാട്ടുകാരും കായിക പരിശീലനം നേടുന്ന മൈതാനത്തില്‍ ആശുപത്രി കെട്ടിടം പണിയാന്‍ നീക്കം. പൈവളികെ പഞ്ചായത്ത് ആയൂര്‍വ്വേദ ആശുപത്രി കെട്ടിടമാണ് മൈതാനത്ത് നിര്‍മ്മിക്കാനുള്ള ശ്രമം നടക്കുന്നത്. നിരവധി പരിപാടികള്‍ക്കും കായിക മേളകള്‍ക്കും വേദിയാകുന്ന മൈതാനത്ത് ആശുപത്രി കെട്ടിടം പണിയാനുള്ള പഞ്ചായത്ത് നീക്കത്തിനെതിരെ ശക്തമായ പ്രതിഷേധവുമായി നാട്ടുകാര്‍ രംഗത്ത്.
നിലവില്‍ പഞ്ചായത്ത് കെട്ടിടത്തിലാണ് ആശുപത്രി പ്രവര്‍ത്തിക്കുന്നത്. അസൗകര്യത്തെത്തുടര്‍ന്ന് മറ്റൊരിടത്തേക്ക് ആശുപത്രി മാറ്റാന്‍ തീരുമാനമായതായും ടെണ്ടര്‍ നടപടികള്‍ ആരംഭിച്ചിരുന്നതായും നാട്ടുകാര്‍ പറയുന്നു. നിര്‍മ്മാണ സാമഗ്രികള്‍ ഇറക്കി കെട്ടിടം പണി ആരംഭിക്കാനിരിക്കെയാണ് കെട്ടിടം മൈതാനത്തിനു നടുവിലേക്ക് മാറ്റാന്‍ രീരുമാനിച്ചത്. പഞ്ചായത്തിന്റെ പരിധിയില്‍ തന്നെ ആശുപത്രി കെട്ടിടം നിര്‍മ്മിക്കാനാവശ്യമായ സ്ഥലങ്ങള്‍ കിടക്കുമ്പോള്‍ മൈതാ നം തിരഞ്ഞെടുത്തത് കായികപ്രേമികളോട് പഞ്ചായത്ത് ഭരണ സമിതി കാണിക്കുന്ന നേറികേടാണെന്ന് നാട്ടുകാര്‍ പറയുന്നു.
പ്രതികരിക്കാൻ ഇവിടെ എഴുതുക: