പ്രതിഷ്ഠാദിന മഹോത്സവം

കടുങ്ങല്ലൂര്‍: പടിഞ്ഞാറെ കടുങ്ങല്ലൂര്‍ കുന്നില്‍ ധര്‍മ്മ ശാസ്താ ക്ഷേത്രത്തിലെ പ്രതിഷ്ഠാദിന മഹോത്സവം 13ന് നടക്കും. ഷഡാധാര പ്രതിഷ്ഠയോടുകൂടിയ ശ്രീ ധര്‍മ്മ ശാസ്താവ്, ശ്രീ വീരഭദ്രസ്വാമി, മഹാഗണപതി എന്നീ പ്രധാന ദേവതകള്‍ക്കും മറ്റു ഉപ ദേവതകള്‍ക്കും രാവിലെ 8 മുതല്‍ കലശാഭിഷേകത്തോടെ പ്രതിഷ്ഠാദിന ചടങ്ങുകള്‍ നടക്കും. തുടര്‍ന്ന് രാവിലെ 11 മുതല്‍ പ്രസാദഊട്ട് ഉണ്ടായിരിക്കും. പ്രതിഷ്ഠാദിനത്തിനു മുന്നോടിയായി 12 ബുധനാഴ്‌ച്ച രാത്രി 8.30 മുതല്‍ കളൂരികാദേവിക്ക് ഗുരുതി നടത്തും. ക്ഷേത്രം തന്ത്രി ഭദ്രകാളി മറ്റപ്പിള്ളി നാരായണന്‍ നമ്പൂതിരി മുഖ്യ കാര്‍മ്മികത്വം വഹിക്കും.